LAKONET SUNDA

Nganggap Wayang

2011-07-19T05:49:00.001-07:00

Jaipongan Bellydance

2011-05-17T07:01:00.001-07:00

Jaipongan Mujra

2011-05-16T06:49:00.000-07:00

Semar Semar ya winangnung
Semar kuncung dana wulung
Semar sana ya sumalindung
Semar gelare wayang agung

KARANG TUMARITIS.--Panakawan Amarta nyaeta Cepot, Dawala, sareng Nala Gareng nuju sempal kapiguyon ngahibur sadaya warga jagat lokamaya. Dina harita aya hiji seni anu namina Jaipongan Mujra.

CEPOT: Ehm! Dawala, kadieu euy! Nongtong jaipongan yuk?
DAWALA: Saha sindenna?
CEPOT: Hehe, jigana mah Neng Idjah.
GARENG: Ari nu ngibingna saha?
CEPOT: Bejana mah penari Mujra ti India.
DAWALA: Gusti! Anu bener, Aa? Maenya urang India tiasa jaipongan.
CEPOT: Eh, ari silaing. Pan wayang asal caritana teh ti India.
GARENG: Saha nami penarina, Aa?
CEPOT: Cenah mah Saima Khan.
DAWALA: Aduh, penari eta mah bohay mani geulis pisan. Buru ah urang nongton.

Ekek Paeh

2011-05-15T20:47:00.000-07:00

Semar Semar
Ya gegelar
Semar kuncung
Dana wulung

KARANG TUMARITIS--Semar Badranaya nuju kadehesan para putra pun Sastrajingga, Udawala, lan Nala Gareng nuju katamuan sahiji seniwati ti macanegara namina Nyai Rachel Brice anu bade duetjoget diiringan ku Nayi Upit Sarimanah.

SEMAR: Jang, cing geura caralik. Iye geuning aya Nyai Upit Sarimanah sareng Nyai Rachel Brice ti jagad Likamaya.

CEPOT: Enya, Pa. Teu sangka geuning tiasa patepang di dieu nya?

DAWALA: Sumuhun geuningan. Kombinasi Ratu goyang sareng ratu haleuang ngahiji jadi seni anu sajati.

GARENG: Cicing ulah garandeng! Hayu urang tongton.

SEMAR: Mangga, Jang. Urang haturan lagu "Ekek Paeh".

CEPOT: O, "Tablo" tea, Pa?

SEMAR: Enya, tah eta. Ari basa Inggris na mah teuing.

DEWALA: "Parrot Died" meureun?

SEMAR: Heueuh tah eta.

Goyang Mujra

2011-05-14T22:12:00.001-07:00

Taarrriiiik Maaang

2011-05-13T21:24:00.000-07:00

Panakawan Jaipongan

2011-05-11T04:54:00.001-07:00

Semar semar ya gegelar
Semar kuncung
Dana wulung
Semar pakuning alam

KARANG TUMARITIS—Mangga urang pinton Panakawan Lurah Semar Badranaya sapara putra Sastrajingga, Udawala, lan Nala Gareng anu nuju nanggap jaipongan Majalengka kangge hiburan sadaya hamarayat duniamaya.

SEMAR: Jang, sok ka dieu. Urang nonton Jaipongan Majalengka.
CEPOT: Mangga, Pa. Hehe.... rame euy! Dewala, ngibing yu.
DEWALA: Sok atuh. Keur ngalemeskeun awak. Pararegel yeuh. Si Gareng di mana, Aa?
CEPOT: Tuh di ditu, deukeut sinden.
DEWALA: Aduh eta si Gareng, jaiponganana mani kahot pisan.
GARENG: Ngajedog sia! Gandeng! Hayu ngigel!

CEPOT: Huaduuh... cape euy. Ngibing jaipongan Majalengka mah siga gelut dina pencak silat.
DEWALA: Itung-itung olah raga, Aa?
SEMAR: Jang, hayu atuh urang tepangan itu geuning Juragan Arjuna dongkap.
CEPOT: Mangga, Pa.

Konsep Estetik Lakonet

2009-09-25T23:39:00.000-07:00

Bubuka

Murwa anu aya di luhur teh dicatet tina situs http://wayangcitra.blogspot.com/, hiji situs wayang di duniamaya anu diasuh ku Ki Harsono Siswocarito, kawit November 2007. Situs ieu nyanggakeun genre-genre enggal wayang, nyaeta lakonet, wayang visual, wayang digital, wayang grafis, wayang animasi, sareng wayang interaktif. Nanging dina seratan ieu genre anu bade dibahas namung lakonet, utamana anu magepokan sareng konsep estetikna.

Anu dimaksad konsep estetik lakonet dina judul seratan ieu nyaeta gagasan-gagasan ngenaan kaendahan anu aya dina lakonet. Sedengkeun anu dimaksad tegangan antara tradisi sareng inovasi nyaeta konsep estetik anu dumasar kana gagasan-gagasan kaendahan tradisional sareng gagasan-gagasan kaendahan modern.

Hartina Lakonet

Lakonet mangrupi gabungan tina tembung "lakon" (carita wayang) sareng tembung "net" (Internet). Sebatan ieu didamel ku Ki Harsono Siswocarito kangge nami lahirna hiji genre enggal wayang anu dipublikasikeun dina Internet. Lakon mangrupi genre sastra wayang lampahan kangge pagelaran, sedengkeun internet nyaeta mediamaya online anu nyambung sacara global. Mungguh ti eta, lakonet hartosna lakon anu dipagelarkeun dina mediamaya internet.

Konsep Estetik Lakonet

Konsep estetik lakonet mangrupi tegangan antara tradisi sareng inovasi. Kukituna, lakonet dumasar kana konsep estetika tradisional sareng estetika inovatif. Sacara tradisional, konsep estetik lakonet salaku hiji genre enggal wayang dumasar kana sastra padalangan. Nanging, sacara inovatif, konsep estetik lakonet gaduh tegangan sareng tradisi eta kangge nyiptakeun inovasi-inovasi enggal. Tegangan antara tradisi sareng inovasi ieu anu janten dadasar konsep estetik lakonet.

Sastra Padalangan

Sastra padalangan mangrupi rekabasa dalang dina seni pagelaran wayang. Sastra pedalangan mangrupi murwa atawa pelungan (suluk bubuka padalangan), nyandra janturan (deskripsi jejer adegan wiwitan) sareng pocapan (narasi adegan), suluk (puisi padalangan), antawacana (dialog wayang), sabetan (basa awak wayang), sora (sora, celotehan, sareng onomatopi), tembang (lalagon), mantra (puisi magis), sareng lalakon (carita wayang).

A. Murwa

Murwa mangrupi suluk bubuka dina pagelaran wayang. Padalangan Jawa Timur ngangge nami pelungan; padalangan Jawa Tengah ngangge nami ilahengan; sareng padalangan Jawa Barat ngangge nami murwa. Di handap ieu conto murwa pondok padalangan Jawa Barat.

Kembang sungsang binang kunang
Cahaya nira kadya gilang gumilang

Murwa panjang di handap ieu tina lalakon Jaya Renyuan garapan ki dalang Dede Amung Sutarya padalangan Jawa Barat.

Adam adam babuh lawan
Ingkang ngagelaraken cahya nur cahya
Dangiang wayang wayanganipun
Perlambang alam sadaya
Semar sana ya danar guling
Basa sem pangangen-angen
Mareng ngemaraken Dzat Kang Maha Tunggal
Wayang agung wineja wayang tunggal
Wayang tunggal

Dina lakonet Ki Harsono Siswocarito, murwa anu asalna tina sastra padalangan dimodifikasi janten bentuk enggal. Di handap ieu conto-conto murwa dina lakonet-lakonetna.

Langit kelir tabir Gusti
Tabire ya wong ngawayang
Wayang manut maring dalang
Dalange murba ing wayang
Kelire ayon sabita Gusti

Sareng

Kembang sungsang cahya kunang
Kadia soca lintang gilang gumilang
Tembang hyang pangreka dalang
Dadia piwulang wong ngawayang

Sareng oge

Dene utamaning nata
Berbudi bawa laksana
Dene utamaning praja
Adilmakmur paramarta

B. Nyandra

Nyandra mangrupi deskripsi adegan anu ngangge basa prosa dina pagelaran wayang. Aya dua jenis nyandra: janturan sareng pocapan. Janturan mangrupi deskripsi adegan anu diiringan gamelan; sareng pocapan mangrupi narasi adegan tanpa iringan gamelan. Dumasar kana padalangan Jawa Barat, Ki Harsono Siswocarito ngamodifikasi janturan anu dicatet tina lalakon Jaya Renyuan garapan ki dalang Dede Amung Sutarya.

Suh rep data pitana! anenggih wau kocapa negara ing pundi ingkang kaeka adi dasa nama purwa, eka sawiji adi linuwih dasa sapuluh nama iku panjenengan purwa nami wiwitan. Sandyan katah titahing dewa kasongan ing akasa, sinangga ing pertiwi, kaideng ing samudra, tebih ing parang muka, dasar negara Dwarawati silokane jero tancebe, jembar laladane, gede obore, duwur kukuse, padang jagate, adoh kakoncarane. Sigeg ingkang murweng kawi paparab kang dadi nalendra, inggih kang ngarenggani pura, jejeneng Sri Maha Batara Kresna ya Prabu Jenggalamanik, Prabu Harimurti, Prabu Padmanaba, Prabu Basudewaputra, saweg dipunadep dening ingkang rayi Arya Setiyaki lan ingkang raka Patih Udawa. Sreg tumeluk kaya kuncim pertala mukanipun sarta kadiya tata malih krama paningalipun Padmanegara lan Udawa saking ajrih dateng pangkonan. Samya prapta ngabiyantara, jajar denira pinara.

Nyandra dina lakonet dimodifikasi janten bentuk anu pondok sapertos conto di handap.

MERCUKUNDA, SURALAYA.—Maharaja Tri-buwana Sang Hyang Otipati Pramesti Guru Jagatgirinata ya Sang Hyang Manikmaya maharaja diraja jagat pramudita calik dina singgasana Dampar Kencana lemek babut permadani sutra rerenda permata tinaretesing sosoca dipunadep dening para dewa pemuka triloka samiya pada jajar denira pinara.

Sareng di handap ieu hiji conto anu leuwih pondok deui.

ASTINA.—Para Kurawa nuju badami sareng Jendral Baladewa, Presiden Mandura, ngarem-bag masalah musibah negara.

2. Conto Pocapan

Pocapan mangrupi nyandra tanpa iringan gamelan kangge nyarioskeun kajadian dina adegan. Di handap ieu hiji conto pocapan dina lalakon Jaya Renyuan garapan ki dalang Dede Amung Sutarya.

Padmanegara nyandak dua hulusapu bade dicipta ku Kresna. Atuh Kresna rep sidakep ana sinuku tunggal babakane caturdriya--catur papat, driya angen-angen, sir budi cipta kalawan rasa. Pangambung teu diangge ngangse; soca teu diangge ningal; cepil teu diangge ngarungu; baham teu diangge ngucap lir ibarat anu paeh ngadeg, nanging bentena pedah ngangge ambegan.

Dina lakonet, pocapan oge dimodifikasi janten bentuk anu pondok sareng mangrupi baris-baris puisi. Di handap ieu conto-contona.

Siapsiaga para dewa
Basmi mala Triloka!

Sareng di handap ieu hiji conto pocapan anu puitis.

Berang! Garang!
Buta menyerang!

C. Suluk

Suluk mangrupi citra anu ditembangkeun ku ki dalang dina pagelaran wayang. Di handap ieu conto suluk tina lalakon Jaya Renyuan garapan ki dalang Dede Amung Sutarya tipadalangan Jawa Barat.

Conto 1

Saur nira tandana panjang
Sinenggih sabda ya uninga lawan
Sabda ya uninga lawan
Sauri nira tandana panjang sinengih
Sabda uninga wis mama
Ulun layu dening sekti ala bakti dening asih
Ya ding asih
Wong asih ora katara

Conto 2

Betet ijo
Kepodang ulese kuning
Abang manuke wulung kadya wowor
Sandang rawit puter gemeke ya lurik-lurik
Dadanira kinuwungan ya kinuwungan
Kadya bocah ngangge kakalung
Ningsor waringin wulung

Conto 3

Sri tinon ing pasewakan
Busana manekawarna
Murub mubyar cahayanira
Kadya kunang-kunangan
Sri tinon ing pasewakan
Busana manekawarna
Murub mubyar socanira
Kadya parada tinabur
Kadya kunang-kunangan
Sekar wijaya kusuma lawan

Dina lakonet, suluk dimodifikasi janten sajak couplet. Di handap ieu conto suluk dina lakonet Ki Harsono Siswocarito.

Siaptegap sang Dursasana
Panglima pasukan Astina!
Kurawa menyerbu kampus
Mahasiswa bikin mampus

D. Antawacana

Antawacana mangrupi dialog antartokoh wayang. Sedengkeun antawacana antara tokoh wayang sareng nayaga, wirasuara, atawa juru kawih disebat dialog samping (aside). Antawacana biasana disanggakeun saparantos pocapan. Di handap ieu conto dialog dina lalakon Jaya Renyuan garapan ki dalang Dede Amung Sutarya.

Kresna: Eladalah, Yayi, Yayi Setiaki.
Setiaki: Kaula nun.
Kresna: Kakang Patih Udawa.
Udawa: Lo, lo, lo, Hahahah… pun kakang Patih Udawa.
Kresna: Marajeng ka payun calikna.
Setiaki: Ti payun anu kapihatur pun rayi nyanggakeun sembah pangabakti mugiya ditampi.
Kresna: Sembah Rayi ditampi kudua panangan kiwa kalawan tengen, disimpen di luhur dina embun-embunan, di handap dina pang-konan, dicatet dina tungtung emutan anu teu keuna kuowah gingsir.
Setiaki: Ngahaturkeun nuhun. Kalih perkawisna—
Kresna: Kumaha, Yayi?
Setiaki: Bilih aya kalepatan ageng sumawanten alit, agung cukup lumur, neda jembar hapunten anu diteda.
Kresna: Perkawis kalepatan sok bujeng ku aya basana menta dihampura, sanaos teu aya basana akang parantos jadi lautan hampura kana kalepatan sampean, Yayi.
Setiaki: Ngahaturkeun nuhun.

Di handap ieu conto antawacana dina lakonet.

Bima: Para Profesor sing dakurmati! Apa para sedulur kabeh padha kuciwa karo tumindake bala Kurawa?
Kanetra: Tangtos! Nanging dianggap banyolan we. Toh tiasa ngabela diri.
Pulasia: Huahaha… bener! Gempuran eta teu aya hartosna kangge biomacrobot karyarekayasa kaula.
Estibanda: Oge kangge monsterobot ka payun tiasa ngabedahbubrah eta mamala.
Maningrat: Dasar Kurawa! Wayang mbeling model kitu kumawani gumasep. Ngagaya! Khhkcuah!
Maruta: Perlu dihajar, Prof! Amih nyaho!
Baruna: Bener! Naha ari elmu panemu teh ngan aya di Universitas Negeri Sokalima wungkul, teknologi ngan aya di Universitas Talkanda? Umaing rasa aing! Gumagus!
Bima: Iyo! Tumindake militer Astina perlu dibales. Siapke balayuda biomacrobot lan monsterobot kanggo ngajurmumur balamala Astina.
Pulasia: Sayagi!
Estibanda: OK!

E. Sabetan

Sabetan nyaeta gerak wayang anu mangrupi tarian, lakuan, sareng lagaan. Tarian nyaeta gerak wayang anu diiringan tembang sareng gamelan. Lakuan nyaeta gerak wayang anu diiringan kecrek atawa kendang wungkul. Sedengkeun lagaan nyaeta gerak wayang dina paperangan anu diiringan gamelan atawa diiringan kecrek sareng kendang. Dina lakonet, sabetan disanggakeun ngangge adegan action.

RIMBAMALA.—Mintaraga aduyuda sareng bala Manimantaka.
“E-eureun! S-saha s-sia?”
“Dawala, sikat yu!”
“Soklah!”—(Duk! Bugh!) Ambruktakluk (Blug! Gludug!)—“Yeuh rasakeun! Hih!”—(Jplak! Gdubrak!)—“Aaawww!”
“Bah! Keparat! Kaladurga, Kaladurjana, Kaladuraksa, Kaladurmala, Kalastuwila, Kala-daksa, Kaladarba, Kalagarba, Kaladuskerta, Kaladusta, Kaladursila—majuserbu!”
“Reng, embat granat!” + “Okelah!”—(Plas!)
(BLAARR!)

F. Sora

Sora nyaeta koceakan, jeritan, aduhan, tobatan, atawa sora tiruan anu disebat onomatopia. Sora mangrupi palengkap sabetan lagaan. Di handap ieu conto sora dina lakonet Ki Harsono Siswocarito.

“E-e-babo-babo… Gog—aya p-panjalajah r-rimba Pringgadingacala. S-saha, Gog?
“Sst! Jendral Arjuna!”
“E-e-babo-babo… s-serbu!”—(Clap!)—“C-ciaat!”—(Dez! Zplak! Deb! Bugh!)—“Hugk-khoeekh uhuooo… m-modar a-aing, Gog!”—(Bruk!)
“Cakil paeh, Lung!”
“Keun wae, Gog!”
“Grr-babo-babo, keparat! Hareupan kaula Dityakala Badaisegara! Heh, kanca-kanca: Pragalba, Rambutgeni, Padasgempal, Jurang-rawah, Buta Ijo, Buta Terong, Buta Endog—hayu urang koroyok tuh si perwira keparat!”
“C’mon!” + “OK!” + “Move!”
“Satu, dua, tilu! Ciat! Ciat! Ciiaatt!”—(Blaarr!)—“Aduh! Ahk! Khk! Klk!”—(Blug! Blug! Blug!)
“Zuilah! Mampuz zadaya!” + “Benel! Ayo lumpat, Mas!”
(Jleg!)—“Eureun!”
“Zaha zia? O yez! Kenalan—aing Mr George! Yez, Mr Joz!”
“Busyet! Ginding teuing geuning ieu Buta—make nama beken sagala! Silaing kalah, Reng.”
“Em… sia saha, Pelo?”
“Mistel Gabliel! Ayo mantog ah! Ulah ngulusan jalma teu benel!”—(Bugh! Bugh!)—“Adow! Main pelmak deui! Blantem-blantem, tapi spoltif! Ngawul sia mah!”
(Dor-dor!)—“Beres, Gong!”

G. Tembang

Tembang mangrupi lalaguan anu dihaleuangkeun ku sinden, wirasuara, atawa dalang. Tembang wiwitan pagelaran wayang dihaleuangkeun ku sinden. Tembang iringan pagelaran dihaleuangkeun ku sinden sareng wirasuara. Tembang dina adegan Limbukan sareng Gara-gara dihaleuangkeun ku dalang anu ngangge kolaborasi sareng sinden atawa bintang tamu. Di handap ieu conto tembang bubuka dina lalakon Jaya Renyuan garapan ki dalang Dede Amung Sutarya ti padalangan Jawa Barat.

Sampurasun dulur-dulur
Nu aya di pilemburan
Wilujeng patepang dangu
Ti abdi saparakanca
Ti abdi saparakanca
Gamelan Munggul Pawenang
Nyanggakeun hiburanana, Juragan
La mugiya janten panglipur
Pangbeberah duh kana manah

Sedangkeun tembang di handap ieu dihaleuangkeun ku si Cepot dina lalakon Jaya Renyuan garapan ki dalang Dede Amung Sutarya.

"Lagu Nu Ngusep"
Barung herang liar mijah
Clom kiriwil ari anclom ngagiriwil
Mawa epan rupa-rupa
Clom kurunyud lamun anclom sok ngurunyud
Plung kecemplung plung kecemplung
Empan teuleum kukumbul ambul-ambulan
Kenur manteng jeujeur jeceng
Leungeun lempeng panon mah naksir nu mandi
Kop tah lauk mere dahareun
Mangga mangga mangga geura tuang
Geura raos ditanggung deudeuieun
Mangga mangga ulah isin-isin
Empan cangkilu ungkul dilangkung
Empan papatong kalah dipelong
Ku epan colek kalah ngadelek
Lekcom lekcom panon belek nyambel oncom

Dina lakonet in Ki harsono Siswocarito aya tembang anu dihaleuangkeun ku Panakawan tina tembang Asmarandana Sunda.

Gandasari buah ati
Pujaan urang sadaya
Buku pinuh kupapaes
Alus jadi patamanan

Oge aya tembang anu dimodifikasi tina dua baris lirik lagu Rolling Stones.

Yu yus tu bi mai parti dol
Bat now yu sey de parti’s oper

Lirik aslina nyaeta:

You used to be my party doll
But now you say the party's over

H. Mantra

Mantra atawa sastra mantra padalangan aya dua kategori. Kahiji, mantra anu mangrupi doa ki dalang dina pagelaran wayang. Kadua, mantra anu mangrupi rapalan tokoh wayang kangge ngedalkeun kasaktianana.

Conto kahiji mangrupa mantra bubuka pagelaran ti Mpu Tan Akung:

Ingsun Angidhepa Sang Hyang Guru Reka,
Kamatantra: swaranku manikastagina.

Conto kadua mangrupi rapalan mantra panyirepan ku tokoh wayang Indrajit:

Rep sirep si Megananda
Wong sarewu padha tumut
Salaksa wong serah nyawa

I. Lakon

Lakon dina lakonet asalna tina carita-carita wayang anu tiasa diklasifikasikeun kana carita pakem, carangan, gubahan, sareng sempalan. Carita pakem asalna tina Mahabarata, Ramayana, Serat Paramayoga, Serat Pustaka Rajapurwa, Serat Purwakandha, sareng anu sanesna. Carita carangan mangrupi versi carita pakem anu parantos dimodifikasi ku ki dalang. Carita gubahan mangrupi versi carita anu diadaptasi. Carita sempalan mangrupi cerita wayang kreasi enggal.

Unsur tambihan

Salain unsur-unsur sastra padalangan di luhur, lakonet gaduh unsur-unsur dukungan anu mangrupi citra, hiperteks, sareng cyberteks.

Citra mangrupi gambar anu diangge ilustrasi salaku unsur tambihan lakonet. Citra kangge ilustrasi lakonet ngangge wayang digital, nyaeta gambar wayang anu didamel ngangge teknik seni lukis digital. Dumasar kana konsep estetika layarmaya, wayang digital didamel wawalikan tina wayang cetak. Layarmaya ngangge latar hideung, sedengkeun wayang cetak ngangge latar bodas. Kukituna wayang digital anu aya dina lakonet mangrupi bayangan bodas dina latar hideung. Hal ieu benten tina wayang cetak anu ngagambarkeun bayangan hideung dina latar bodas. Kitu oge bayangan hideung dina pagelaran wayang kulit anu ngangge kelir bodas.

Hiperteks dina lakonet mangrupi link internal sareng link eksternal. Ayana link eta anu ngabentenkeun teks sareng hiperteks. Hipertekstualisasi mangrupi proses mediamorfosis tina teks tulis janten hiperteks elektronik.

Cyberteks dina lakonet mangrupi wahana interaktif antara hipertekstualisasi anu didamel ku ki dalangmaya sareng komunitasmaya di duniamaya. Interaktivitas ieu masihan peluang kangge sadaya netizen di komunitasmaya pikeun ngadamel interaksi sacara aktif.

Simpulan

Sastra padalangan gaduh anekaragam gaya. Hal ieu nunjukkeun ayana pluralitas gaya dina tradisi padalangan Indonesia, sapertos padalangan gaya Jawa Barat, Jawa Tengah, Jawa Timur, Bali, Lombok, Banjar, sareng anu sanesna.

Kunerapkeun konsep estetik anu mangrupi tegangan antara tradisi sareng inovasi ieu lakonet janten hiji genre wayang posmodern anu ngangge internet salaku media pagelaran sareng publikasina.

Semarang, 22 Juni 2008

Referensi

Harghana SW, Bondhan. 2003. Janturan Jangkep Wayang Purwo. Sukoharjo-Surakarta: Cendrawasih.

Haryanto, s. 1992. Bayang-bayang Adhiluhung. Semarang: Dahara Prize.

Sukatno, Anom. 1993. Janturan lan Pocapan Ringgit Purwo. Sukoharjo-Surakarta: Cendrawasih.

Sutarya, Dede Amung. 1977. Jaya Renyuan. Indonesia: Gita Record Metropolitan.

Timoer, Soenarto.1988. Serat Wewaton Padhalangan Jawi Wetanan II. Jakarta: Balai Pustaka.

Rumpaka

2009-09-25T00:36:00.000-07:00

Betet Ijo

2009-09-24T23:45:00.000-07:00

Sritinon

2009-09-24T23:03:00.000-07:00

Nu Nguseup

2009-09-24T22:37:00.000-07:00

Saurnira

2009-09-07T21:03:00.000-07:00

Suluk

2009-05-25T00:30:00.000-07:00

Dawala Polopor Pendidikan Massa

2008-03-21T01:15:00.000-07:00

Halimun mulai kasingkab!
Panon poe molotot seukeut
Neuteup ka sadaya anu usik!

DESA TUMARITIS.--Kyai Semar Badranaya, nya Ki Lurah Kudapawana katempo ngahurun balung siga anu bingung: masyarakat parantos robih! Desa Tumaritis mulai lugay tumuju kahirupan anu dinamis. Benten ti padusunan jaman baheula, desa-desa anu kabanda dina statisme sistem tradisi. Tumaritis usik-malik pinuh ku pamotah.

Bareng sareng murcana Ki Dewala, dongkap Begawan Dawala anu super-mbeling midamel gara-gara. Benten ti Ki Dewala dina gara-gara anu sok pinuh ku banyol-konyol, Begawan Dawala ngadamel gara-gara ku nyangcangkeun kahirupan anu B3B (bebas tilu buta). Hasilna masyarakat Amarta janten palinter sareng nyarakola tanpa ngimpor mahasiswa KKN sareng DPL gombalna ti Universitas Sokalima. Sanaos kitu, masyarakat anu palinter-nyarakola eta teu leupas tina masalah anu dipayunanana. Malah kajadian ayana wabah anyar anu kakara jadi wabah. Ayeuna anu sarakola parantos janten "polusi" anu janten bibit rurujit epidemi intellectual deficiency! Polusi anyar dina masyarakat modern anu sacara langsung janten rurujit super negatif kana kahirupan manusa.

Polusi sareng epidemi eta tetela ngembang boled sanes akibat corobong haseup sareng runtah industri baja, pupuk, atawa naon wae anu sok janten kokotor lingkungan; nanging, akibat runtah industri pendidikan eta sorangan, anu diaku atawa henteu janten cecemar! Sahenteuna kitu miturut Begawan Dawala. Ku rasa bari jeung risi mantenna netelakeun industri pendidikan: miturut mantenna, teu aya kasaimbangan anu harmonis antara mesin-mesin dina tiap undakanana; akibatna produk-produkna teu aya anu tepat guna. Janten, teu aya produk anu siap pake! Sagedengeun ti eta, industri pendidikan pinuh ku kaborosan! Ilahar pare sa-ton, anu janten beas ngan sakilo, sareng ahirna ngan janten sahuap sangu. Sanesna janten runtah produksi industri pendidikan eta sorangan! Upami runtah eta teu geuwat diurusan, ahirna janten polusi, sareng janten bibit rurujit epidemi intellectual deficiency. Leuwih bahaya tina wabah sampar a la La peste Albert Camus. Begawan Dawala imut-emut.

Leres upami industri pendidikan parantos tiasa nyiptakeun selera intelektual. Sistem mekanismena maksa ayana pangolahan produksi anu nyambung. Sareng ironisna, kaluar tina eta sistem ngandun harti nyepetkeun polusi; sareng deui upami eureun hartosna deficiency dadakan; padahal upami terus neraskeun malah janten kronis! En vano ni hablar de eso--saur Begawan Dawala ngangge basa Don Juan.

Ku teuteup anu lebet tur seukeut Begawan Dawala nonton pintonan masyarakat. Sadaya upaya kangge menggak polusi sareng epidemi eta parantos loba dipidamel, sanaos ngan saukur raramean. Jalmi-jalmi anu formal gura-giru ngalegaan sareng ngaluhuran "wangunan industri pendidikanna". Jalmi-jalmi anu non-formal sibuk masarkeun mesin pendidikan anu portable. Di lingkungan informal sorangan sibuk milarian ubarna.

Miturut Begawan Dawala, jalmi-jalmi anu model kitu parantos salah midamel diagnosa; sareng akibatna parantos nyuntikkeun obat anu salah. Mala-praktek pendidikan anu teu tiasa disinglar! Polusi ngan dipocorkeun ka tempat lain, sedengkeun intellectual deficiency ngan diubaran ku intellectual fallacy! Pikareueuseun pisan.

Salaku warga nagara Amarta anu sae, Begawan Dawala teu cicingeun pisan. Mantenna eta panongton anu panungtun! Kukituna mantenna geura nepangan Kyai Semar.

Di bumina anu saderhana, Kyai Semar lugay tina emutanana. Mantenna nyaketan Cepot sareng Gareng.

SEMAR: Jang, naha ilaing teu nyaho kamana si Dewala inditna?

CEPOT: Teuing, Pa!

GARENG: Nah--manage… anak menta sakola teu diturutan. Kang Udel pan nekad minggat!

SEMAR: Naa beut nyalahkeun aing! Dewekna anu teu bisa dipepelingan. Ulah maksakeun awak asup ka paguronn luhur, komo deui anu saukur nangtung.

GARENG: Tapi, Pa, ayeuna teh pan jamanna jalma sarakola. Masya Bapa menega nalantarkeun para putra katinggalan jaman. Coba tingali Kang Cepot anu buta huruf, aya KAD--koran asup desa--manehanana ngan bisana cuma nempo gambarna wungkul. Lulus B3B oge kakara kamari sore. Pikarunyaeun!

CEPOT: Hihina-nista!

GARENG: Sanes ngece jeung ngahina, eta kanyataan! Batur sibuk nyalon kades sareng milari padamelan anu mbonapide en kualipeot, Kang Cepot kamana-mana mamawa pacul--kerja baaakti wae!

CEPOT: Naaa pan aing mah abdi-negeri anu baleg.

GARENG: Enya upami keridanna eucreug, wong Kang Cepot mah milari daharenna wungkul.

Teu ampun deui Cepot ngayunkeun keupeulna. Gareng udah-aduh.

SEMAR: Hehehe… malah ribut-gelut! Kerja bakti teh penting. Urang jalma leutik anu bisana macul nya keridanna ku pacul. Bapa oge anu pak lurah teu saukur nitah wungkul. Turun-tangan eta perlu! Naha dumeh pamingpin, gawena ngan eta-itu wungkul! Nya--henteu atuh!

CEPOT: Nah! Bener, Pa!

SEMAR: Jig teangan si Dewala!

GARENG: Turun-tangan, Paaa!

Semar imut.

CEPOT: Wah--teu sanggup, Pa. Kamana neanganana? Ka gunung sieun linglung, ka kota sieun nyasar!

GARENG: Kamfungan pisan nya! Abdi mah katimbang milari Kang Udel anu teu tangtos dunungna, mending milari duit! PTS pan nuju panen gede-gedean. Abdi tiasa milu manen.

CEPOT: Moal bisa! Eta mah musim panenna para cendekiawan. Sia mah es-em-a oge teu tamat-tamat.

GARENG: Salah! Anu gaduh panen memang cendekiawan, anu dipanen esak mahasiswa, anu kalabakan keuna panegel nya kolotna! Sareng anu ngagali pondasi kangge kampus mewah tapi miring tea, nya, urang.

CEPOT: Weee geus loba mesin. Sanggup sia saingan jeung mesin?

GARENG: Nya kapaksa jalmi produk abad teknologi kedah tiasa saingan sareng mesin. Teknologi teu saukur ngadamel robot, nanging oge ngarobotkeun manusa. Semangkin janten robot, manusa semangkin kapake dina alam teknologi. Tibatan panangan-kosong otak-kopong! Enya--Henteu?

Saharita Begawan Dawala lebet kana lawang panto.

DAWALA: Sampurasun.

SEMAR: Rampes! O, Ki Dawala, Mangga ka lebet.

DAWALA: Hatur Nuhun, Kyai. Kieu, Kyai. Abdi turut prihatin ningali gejala anyar anu ninggang kana masyarakat urang. Saparantosna masyarakat bebas-leupas tina panyawat tilu buta; kiwari muncul polusi pelajar sareng wabah intellectual deficiency. Mayunan kaayaan anu model kitu, naon anu kedah dipidamel, Kyai?

Kyai Semar kaget-monyet. Mayunan masalah anu model kitu, mantenna teu tiasa tumindak anu sanes kajabi balik kana jati-dirina.

SEMAR: Eta memang risikona. Urang teu tiasa nyalahkeun saha-saha. Industri pendidikan terus jalan teu tiasa dieureunkeun. Hiji-hijina jalan kanggo nyalametkeun industri eta sakadar kumaha cara nyupiranana. Bade diarahkeun ka mana industri pendidikan urang?

DAWALA: Justru eta anu ngawatirkeun, Kyai. Tripusat pendidikan oreg lantaran teu saimbang di ditu di dieu. Prof Dr Arjuna, Mendiknas Amarta, kawalahan malire industri pendidikan formalna. Gedung industri eta memang saluhur langit, tapi mutuna ngan saluhur mumuncangan; canggih di manara-gading, tapi loyo di lapangan; tur kasenjangan oge beuki ngajadi jurang. Produk industri pendidikan beuki tebih tina salera pasar. Biaya produksi leuwih ageung tibatan harga jual produk-produkna, anu teu jarang sia-sia. Ahirna industri eta janten konsumtif pisan kana bahan baku anu saukur kanggo ngadamel kamubadiran!

Cepot sareng Gareng ngjentul huleng teu mudeng.

SEMAR: Lajeng maksad Ki Begawan kumaha?

DAWALA: Perlu diayakeun deformasi!

Kyai Semar ngagebeg-gegedeg. Begawan anu hiji ieu memang multi-radikal!

SEMAR: Abdi mafhum--Ki Begawan henteu ngan sakadar ngomong, nanging ulah ngalawan sistem!

DAWALA: Deformasi sanes ngalawan sistem. Deformasi ngarupakeun paradigma anyar. Parantos wancina Amarta ngawangun pendidikan massa. Dinamika sosial parantos nimbulkeun masyarakat massa anu beuki ngokohkeun budaya-massa. Dina kaayaan anu model kitu bade leuwih kebat deui tuwuh-kembangna informasi-massa. Dina pendidikan massa, peranan informasi-massa mutlak pisan salaku mahaguru-massa.

GARENG (ngaharewos): Ngartos henteu, Kang?

CEPOT: Teuing!

SEMAR: Naha eta tiasa dijalankeun kitu?

DAWALA: Tangtos! Tinggal ngantosan dongkapna mahaguru-massa, anu ngadidik massa ngangge kahebatan informasi-massa. Kanggo ngawujudkeunana media-massa oge moal bakal leupas tina deformasi! Beuki kultural edukatif eta, beuki kapercanten janten letah mahaguru-massa. Dina hiji wanci anu mustari deformasi informasi bakal ngarobah dunya!

GARENG: Jiga revolusi nya?

DAWALA: Deformasi sanes revolusi! Revolusi anu model naon wae ngan nyanggakeun kapalsuan anu nipu. Revolution is just a mere culture of human-pigs! Revolusi sakadar omong-kosong!

"O!"

SEMAR: Amuing-amuing!--Lajeng kumaha ubarampe kangge nangtungkeun pendidikan-massa eta?

DAWALA: Mimitina, ngayakeun deformasi informasi-massa kangge ngawangun BSIM--badan sensor informasi-massa. Hideung-bodasna pendidikan-massa gumantung kana kacanggihan BSIM. Lajeng, perlu ngawangun BPIM--badan pemandu informasi-massa. Dina badan eta lalu-lintas informasi diatur mekanismena; supaya haluan pendidikan-massa tiasa diarahkeun saluyu sareng tujuanana. Nah!--namung ku pendidikan-massa anu model kitu polusi pelajar sareng sadaya eksesna, sareng panyawat intellectual deficiency tiasa diatasi. Sagedengeun ti eta, eta tiasa nangtoskeun eksistensi budaya-massa di jaman isukan.

SEMAR: Nya gumantung kumaha praktekna. Pan praktekna teh teu sasederhana teori? Mindeng "teori agung" robih jadi "keji" dina praktekna. Sajarah parantos loba nyatetan kajadian anu model kitu. Sareng tangtosna Ki Begawan sorangan mafhum kana perkawis eta. Kumaha dunya diwalagar ku Jalma Konyol Uber Alles, puluhan juta manusa dibantai demi kaulinan human-pig, sareng manusa laun nanging pasti disanghareupkeun kana The World Lost.

DAWALA: Leres, Kyai. Deformasi ieu anu mibanda kakiatan maha-dahsyat kangge ngahontal The World Regain. Pendidikan-massa bakal ngabuktoskeun yen elmu teu aya dina kamewah-megahan gedong anu aya manara-gadingna, nanging ayana dina kakawasaan informasi! Eta sababna pendidikan-massa majengkeun pisan deformasi informasi. Tanpa deformasi informasi, pendidikan moal eksis!

Gareng bingung-linglung. Cepot sare kerek.

SEMAR: Abdi saluyu! Pendidikan-massa leuwih mihak kana kapentingan balarea; sanes kanggo ngawangun sikap intelektual anu sok elit. Nyata hiji cita-mulia! Mugi-mugi isukan bakal lahir cendekiawan-massa. Sareng daek atawa teu daek, elit-intelektual bakal kagusur ku waktu kacandak ku mangsa kagiring ku wanci. Perkawis ieu bakal kajadian ku soranganana; sanes lantaran kapaksa siga kagusurna kaum marginal di daerah slums. Pelajar marginal oge teu perlu jadi polusi. Malah, Ekalaya, Socrates, Ivan Illich, sareng anu sa-archetype go ahead!

DAWALA: Leres, Kyai. Sokalima salaku kota megapolitan pendidikan teu becus naon-naon! Naon hartosna intelektual upami ngan saukur silent intellectuals? Keur naon ngalangitkeun manara-gading anu beuki miring? Teu aya hartosna, intelektual anu eksis kangge awakna sorangan wungkul! Intelektual an sich teu leuwih tina tai ucing! All we need now are intellectual being-for-others: mass-intellectuals.

Kyai Semar imut mafhum. Kaayaan Begawan Dawala di desana lir purnama dina peuting poek mongkleng. Kyai Semar, salaku pawongan anu dipercanten di Amarta, buru-buru ngalaporkeun pangersana Begawan Dawala ka Mendiknas Amarta--Prof Dr Arjuna. Mimitina, pendidikan-massa ukur dianggep sistem pendidikan anu non-sense! Nanging Prof Dr Nakula, Menpen Amarta, benten anggepanana. Pendidikan-massa ngarupakeun sistem pendidikan anu canggih, anu di lebetna, panerangan janten leuwih eksis. Miturut Menpen Nakula, pendidikan-massa oge sanggem ngubaran budaya squealer dina panerangan. Demi kapentingan eta, Menpen Nakula sayagi nampi pendidikan-massa. Malah sanaos Prof Dr Arjuna tetep teu saluyu lantaran fanatik pisan kana sistem pendidikan versi Sokalima, Prof Dr Nakula bade ngalebetkeun pendidikan-massa kana departemenna. Ahirna, saparantosna faham pisan Prof Dr Arjuna oge saluyu-mantep.

Kocap-kacarita pendidikan-massa ngadeg di nagara Amarta. Akibatna astaga-luar-biasa! Rakyat Amarta janten leuwih pinter sareng nyakola dibandingkeun sareng nagara mana oge. Nagara Astina anu bangga-balaga boga kota megapolitan pendidikan Sokalima janten katinggaleun sanes lantaran ku kabodoan, nanging lantaran sarwa katilar dina nuturkeun kamajengan pendidikan-masa di Amarta.

Ternyata BSIM tiasa janten kelep tanas nagara Amarta. BSIM migawe kokoh kakiatan hankam sareng Jendral Bima, Menhankam Amarta, ngiring ngalokasikeun dana persenjataanana kangge dana informasi demi pendidikan-massa. Di widang anu sanesna, BPIM sanggem midamel informasi-massa janten komoditas ekspor dina lalu-lintas informasi-massa internasional. Menristek Amarta, Prof Dr Ir Sadewa kasengsem ningali kacanggihan teknologi informasi BPIM anu sanes ngan saukur tiasa ngadeteksi informasi ti sareng ka sadaya juru dunya, nanging oge sadaya juru jagat pramudita. Pangab Jendral Gatotkaca gumbira kana eta kaayaanana BPIM, anu nyatana mibanda kahebatan spyforce anu tebih leuwih canggih tibatan agen-rahasia mana wae. Amarta teu perlu deui nyulundupkeun James Bond-James Bond-na anu sok nyewek wungkul dina operasi-operasina.

Begawan Dawala imut-emut. Mantenna teges-tandes nolak waktu rektor Universitas Sokalima Prof Dr Durna nguleman mantenna kangge masihan jujuluk Doctor Honoris Causa ka Begawan Dawala. Sikap eta dianggep hinaan ageung kangge Astina. Leuwih-leuwih waktu First Lady Astina, Ny. Banowati PhD, maksa Presiden Duryudana pikeun ngalakukeun perestroika total kangge Nagara "Tirai" Astina. Lantaran teu digubris, Banowati anu doktor filsafat tea nekad minggat nepangan Begawan Dawala. Guguru elmu panemu.

Waktu Banowati naroskeun naha Begawan Dawala eta aya, sareng tenang-wenang Begawan Dawala ngandika, "I deform, therefore I exist!"

Ki Harsono Siswocarito
Semarang, 20 Maret 2008

Candabirawa: Perang Robot

2008-02-08T19:48:00.000-08:00

Candabirawa karya akbar
Mahacendekiawan raksasa
Budaya abad Biorobotika

FUTURE SHOW--Buku pakem pawayangan jaman isukan mulai dipagelarkeun ku ki dalangmaya. Benten tina Future Shock seratan Alvin Toffler, Future Show ngarupakeun karya eksperimentasi rekacipta dialektis tina ilmu sareng ngelmu. Bentuk kamanunggalan dialektis tina rasio sareng rasa: harmoni budaya Kulon sareng Wetan. Memang, ki dalang sanes futurolog, nanging futuris pangambah dimensi en avant vu. --"Nah, ieu gaya citra + catur + carita Ki Harsono Siswocarito dina pagelaran isukan."--Mangga dipalire:

Kelir hideung
Tabir nineung

"Move!"
(Clap!)--"Awas!"
(Dor!)--"Aauukkhh!"
"Hmh, maju!"
"Tembak!"
(Klik!)--"Sial! Kandas!"

Sora sirna
Sepi fana

(Wut! Jleg!)--"Ati-ati! Jagi di payun!"
"Sayagi!"--(Wuz!
Leb!)--"Aman!"
"Laser, Let!"
"Sayagi!"
"Sabot kabel fiber optic
ieu--cepet!"
(Zzsstz!)--"Beres!"

NAKULA: Nah, atos pegat saluran informasi Mabes Bulupitu sareng Lab Biorobotika di Mandraka. Hayu urang tewak Jendral Salya!"

SADEWA: Antosan, Kapten Nakula--kumaha sareng intelsat Astina?

NAKULA: Beu, naha anjeun poho, Letkol Sadewa? Pangkalan militer angkasa luar sareng pakakas star-war Astina atos amburadul sawaktos Marsekal Gatotkaca ngemban tugas panglima perang bentang.

SADEWA: O muhun, sae atuh. C'mon!

Dua perwira utama ti Divisi Bumiretawu sareng Divisi Sawojajar eta ngolepat-kebat miyang ka Mandraka demi tugas milari konci rahasia Biorobotika. Tanpa ngawasa konci rahasia eta pamohalan Amarta tiasa naklukeun Brigade Biorobotika Candabirawa anu dikomandoan Panglima Jendral Salya.

Salya taparekayasa
Di Lab Biorobotika

MANDRAKA.--Jendral Salya gentur tapa nyampurnakeun eksperimen biorobotika anu pang enggalnya. Biorobot Panumpes Pamungkas! Warisan budaya biorobotika ti Prof Dr Bagaspati eta estu luarbiasa. Artificial intelligence, konci kasuksesan robotika, kiwari parantos dilengkapan ku artificial intuition konci kasuksesan biorobotika. Prof Dr Bagaspati parantos ngawariskeun dadasar deformasi silico-logicus janten biosilico-logicus. Eta tea Biorobotika Candabirawa. Nineung sareng keueung! Sareng ku Jendral Salya, Brigade Biorobotika Candabirawa sayagi dikirim ka naraka Kurusetra.

saparantosna riset paripurna, Jendral Salya gura-giru ngontak Mabes Bulupitu. mantenna kaget-roket lantaran sadaya saluran informasi rusak. Kasurung ku ambek beureum-geuneuk tanaga midek mantenna ngabanting videophone. Lajeng buru-buru mantenna mandap tina eta gedong panyakar langit Lab Biorobotika. Pas nincak lantai handap, mantenna disergap ku Kapten Nakula sareng Letkol Sadewa.

SADEWA: Ulah motah! Urang rampungkeun masalah perang!

SALYA: Soal perang? Ieu lain tempatna! Perang urusan medan tempur, lain laborat!

NAKULA: Bener, Jendral, tapi Lab Biorobotika ieu geus jadi sumber malpraktek iptek anu pang bahayana pikeun peradaban manusa jaman isukan. Kurusetra geus teu jadi arena uji-aji pikeun bebener jeung kaadilan, tapi ajang panumpesan manusa. Biorobotika migawe manusia jadi budak jeung bidak mangsa ciptaanna. Tibatan tumpur-ludes dipodaran ku ciptaan, leuwih hade paeh demi Tuhan!

SALYA: Hmh, terus naon kahayang andika?

SADEWA: Tingali destruction-button ieu!

NAKULA: Nah, milih mati sampyuh, atawa serahkeun konci formula rahasia Biorobotika Candabirawa?

SALYA: Licik-pidik sia keparat! Sia nyangka bisa nandingan kasaktian aing? Hua-ha-ha-ha… tah cokot! Nah, sampe kapanggih di Kurusetra!

Saparantosna mibanda eta konci rahasia Biorobotika Candabirawa, Kapten Nakula sareng Letkol Sadewa sakolepat leungit tanpa lebih ilang tanpa karana dinu poek-mongkleng. Jendral Salya molotot sareng kekerot. Kangge meper nafsuna, mantenna kebat lebet ka bar. Sareng teu lami mantenna parantos lemes-ambles dina ranjang Setyawati, kaulinan bom.

Dina pepende awewe
Kabeh wae oge bahe!

--XXX--
"Euleuh?"
"Oh!"

Wanci janari Setyawati ngagolepak numpak enak, Jendral Salya nyimpen sci-fi doll di sisi carogena, anu tiasa sasauran, "O Dear, let me go to a biorobotic sci-fi war!" Rengse motong rasukan wengi mantenna buru-buru salin busana perang lajeng kebat miyang ka Bulupitu.

Beda peristiwa
Tunggal carita
--F = N2C

LAB BIOART, AMARTA.--Pandawa tiasa midamel deformasi konci rahasia Biorobotika Candabirawa di Lab Bioart, tina deformasi artificial intuition mahluk biosilico-logicus eta ngawujud tilu formasi anyar: biosilico-estheticus, biosilico-ethicus, sareng biosilico-mysticus. Tina tilu formasi eta kacipta biorobot Arsoid, Ethicoid, sareng Deusoid: bangsa biorobot anu mibanda rasio sareng rasa. Estu luarbiasa! Lab Bioart tiasa midamel biorobot jenius anu peka kana bebener, kaendahan, kasaean, sareng kamukzizatan. Deusoid kebat dibantun ku Jendral Darmakesuma pakar tapa-rekacipta di Lab Bioart eta. Mahluk biosilico-deus eta sayagi janten panyalamet umat dina ajang-perang The Last World War Baratayuda.

DARMAKESUMA: Nah, rupina Deusoid anu sanggemnandingan Candabirawa. Kumaha kaayaan Kurusetra?

KRESNA: Gawat, Jendral! Unggal jalmi nyarios, "Brigade Biorobotika Candabirawa amuk-amukan tambah cacahna!" Kitu sanes, Jendral Bima?

BIMA: Bener, Jendral! Amarta kapaksa mundur-tempur sabab sagala sanjata teu aya anu mampu ngalebur-ancur Biorobotika Candabirawa. Kadigdayaan eta mahluk biosilico-logicus nyata-nyata laknat keparat! Jahanam serem-kejem!

DARMAKESUMA: Teras strategi naon anu pas dipigawe kangge kasalametan umat?

KRESNA: Simpen sadaya sanjata! Lajeng gunakeun pakean anti-biorobotika.

"Tepat! Senjata = bencana! Naon hartosna? tingali--bumi bencah, ozon bareulah, malapataka jagat pating kolepat!"

Nature + Culture - Nurture = No Future

"O Brahmadharmavisnu!"
"Future is the triad of nature-culture-nurture!"

DARMAKESUMA: Sae, back to nurture. Urang musnah-punahkeun Biorobotika Candabirawa. Hayu ka Kurusetra!

"Sayagi! Sayagi! Sayagi!"

Perang Biorobotika
Ilang Bangsa Manusa

KURUSETRA.--Sci-fi war!

"Dur, Cit, Karta--tingali HDTV: Biorobotika Candabirawa anu perang, pan urang mah tinggal ongkang-ongkang. Kurawa jelas menang!"

HDTV: (Katingal--raksasa-raksasa otak-komputer, panon-parabola, cepil-radar, buuk-laser, huntu-misil, panangan-rudal, ramo-nuklir, awak-amunisi, paru-paru-mesiu, samparan-panser--motah-polah mekanis-programis-katastropis!)

"Surrealisme kontemporer!"
"Superrealisme!"

(Linggih Jendral Salya + pamencet + inuman--layar detector--tombol-tombol teleinstructor--peta panumpesan Kurusetra--sinyal--0987654321--)

Faulkner: "When will I be blown up?"
"As it's so!"
?²

(Jendral Salya ngadadak-ngoceak, "Deusoid?!"--Supersensory + artificial intuition detector: F = N2C--Biorobotika Candabirawa 1/1 raib-ajaib!)

"Adidaya tanpa sanjata!"

SALYA: Hmh, keparat! Saha andika?

DEUSOID: Kaula Deusoid.

SALYA: O, my God! Andika Batara Dharma?

Bacon: "Idols of the Mind!"

DEUSOID: O, Salya--pesekan heula Idols of the Sign, udaran Idols of the Soul. Kakara andika nyaho saha kaula!

SALYA: Ilmu Kalimasada!

(Darmakesuma dongkap--Candabirawa ilang--Darmakesuma menang!)

Manusa tuan keur ciptaan
Sanes budak atawa korban
Sanes Tuhan atawa setan!

"Biorobotika lebur!"
"Salya gugur!"
"Hidup Darmakesuma!"

Kelir bodas
Tabir waas

:--"Nah, eta rupina kilas-pentas tea. Aya sareng Teuaya sami utama. Harepan ki dalangmaya kana hampurana--wilujeng patepang deui dina lakonet sanesna!"

Ki Harsono Siswocarito
Semarang, 7 Pebruari 2008

Kembang Kampus Sokalima

2008-01-21T18:02:00.000-08:00

Melati asri ti mimiti janari
Mawar mekar suminar liar
Kembang ros kembang soka
Kadia salendang bawana!

UNIVERSITS NEGERI SOKALIMA.—Beat drum ngiringan megah-lengkah kembang kampus Sokalima. Mojang lenjang herang-mencrang ciri estri jaman kiwari! Inceran saban lalaki. Leuwih-leuwih lalaki anu gaduh julukan kumbang kampus siga Arjuna, pinasti julalatan jadina. Namina cukup ngetop—Srikandi. Soal kageulisanna, tingali dina “Catetan Si Kumbang Kampus,” Arjuna ngagambakeunana kieu—

“Kandy estu awewe super trendy: biwirna manis siga iklan lipstick; panonna eksotik siga iklan eyeshadow; buukna aksi siga iklan styling foam; seungitna khas siga iklan parfum; rasukanna trendy siga iklan mode; bodyna sexy siga iklan bikini; gayana saluwes L’poseur; otakna ngaleuwihan komputer; sikapna praktis-emansipatoris; hobina ngeceng ‘n mejeng; cita-citana keren ‘n beken; idolana artist-oriented; musikna ngerock; cintana paten ‘n kapercanten; semboyanna—maca, cita, sareng karya!”

Juilah! Arjuna estu jenius! Jitu pisan anjeunna ngagambarkeun citra eta awewe super kontemporer. Benten tina gaya seniman orthodox! Tingali wae gayana: naon eta lambene gula satemplik, halisna ngajeler paeh, lan sajabana? Komo deui seniman anu sok abstrak—sadaya kaendahan bubar-ambyar teu karuhan. Keun bae—suka-suka. Dangukeun wae semboyan klisena, “Bentuk-bentuk kasenian magelarkeun hukum-hukumna sorangan, sanes alesan-alesan anu ngajurung urang dina hirup sapopoena.” Eta cek Viktor Sjiklovski. Arjuna teu saluyu pisan. Keur anjeuna, “Seni nya eta deformasi!” Sae oge!

Srikandi lumampah sapertos dina luhur catwalk. Sikapna nantang model Jane d’Arc. Kacamata mejeng ngahias buuk new wave-na. Binar-suminar panonna nyambar-liar sapertos blitz. Kasumpinganana midamel Dr Kumbayana geuwat-kebat luncat ti kantorna lewat jandela. Astaga--nekad oge eta doktor. Hoyongna nguber Srikandi. Kantenan anjeuna teh naksir-tajir pisan ka kembang kampusna. Pantes! Sanaos anjeuna parantos gaduh putra saumuran Srikandi, Dr Kumbayana tetep wae prex-cuek. Kaburu keuna puber kasajuta, go ahead lah!

Sagedengeun ti eta, Wilutama, partner kumpul-kuda Dr Kumbayana, teu tangtos kamarna. Sawaktos Aswatama masih saalit piit, Wilutama kabur gara-gara teu ngalakon dipasihan artos kangge balanja. Da gaji eta doktor teh mines terus. Ngobyek ngan tiasa 4 SKS, bade korupsi teu tiasa. Anjeunna sanes birokrat! Tur … sst--emut Waskat! Nah eta--modar sia!

Tibatan pusing sakuriling-bungking, mending milarian hiburan murahan. Dr Kumbayana nyaketan kembang kampusna. Kurawa ce-es ribut suat-siut. Burisrawa anu jago gombal kontan obral cinta, ngahaja ngagoda dosenna.

BURISRAWA: Hellaouw, Kandy--Madonna kampus kuring. Keur naon daek diemproceh ku duda kolot-peot kitu? Mending indehoy jeung kuring, yuk? Pinasti syuuurrr-syeeerrr lah!

Srikandi ngadelek tapi tetep geulis-sinematis. Dr Kumbayana molotot keuna tembak mahasiswana anu kurang-ajar tea.

DURSASANA (seuri nyakakak). Huahahaha... anjeunna mah leuwih klop sreng ogut. Yeuh--mahasiswa Pamarentahan--calon bupati Banjarjumut!

DURMAGATI: Mending zareng abdi, calon inzinyur zepezaliz real-eztate maza-depan! Neng Zri teu perelu jadi korban cinta model rumah zuzun. Bebenean di real-eztate--pan canggih?

Masabodo teuing ka eta ocehan setan! Srikandi buru-buru miang ka perpustakaan. Ditinggal ngeblas siga kitu, Dr Kumbayana keuheul-sebel jadina. Demi ngalampiaskeun sial-sebelna, anjeunna kukulutus ka para mahasiswana.

KUMBAYANA: Maraneh teh teu boga pisan etika, nya? Naha maraneh kabeh hayang dijieun hanteu lulus dina eta ujian ku aing? Aing arek mere ka maraneh kabeh biji E! Verdoooven!

DURMAGATI: Aziiik!

BURISRAWA: Youw ngancam, Dok? Youw kenow saha kuring? Putra pangagung! Ulah macem-macem lamun youw teu hayang dipecat! Youw andesten, Dok?

Dr Kumbayana saukur tiasa gegedeg sirah. Teras anjeunna bablas siga Cakil kalah perang.

PERPUSTAKAAN.--Di ruang baca perpustakaan, Arjuna katempo asyik maca novel seratan Yudhistira, Arjuna Milari Cinta. Anjeuna teu sakedik oge malire sumpingna Srikandi. Kitu oge sawaktos Kurawa ce-es liar-brutal ngabebek kembang kampus dugi ka sela-sela lomari buku. Ruang baca robih jadi ruang cuci-mata. Lantaran risi Arjuna geuwat luncat-pantat, cabut hanteu itu-ieu.

SRIKANDI: Hai, Jun! Antosan!

Arjuna ngalieuk. Diteuteup eta kembang kampus ngangge sorot panon anu satiis es-batu. Kaku-beku! Saukur basa-basi anjeunna tumaros.

ARJUNA: Aya naon?

SRIKANDI: Teu nanaon--anjeun bade ka mana si?

ARJUNA: Milari privacy.

Tanpa ngantosan reaksi, Arjuna ngayun-lengkah. Bengong-bingung Srikandi jadina. Banowati anu nuju ngagosip lekoh-alewoh sareng rencangna, seuri nyakakak jadina.

BANOWATI: Eh, tingali tuh--kembang kampus urang keuna batuna. Muas sia! Ulah ngarep-ngarep Aa Jun bade ngagubris nya. Rumaosna anjeunna leuwih geulis ti abdi. Yeuh--peragawati!

Dursilawati nyengir jiga kelede ningali Banowati ngalenggak-lenggokkeun awakna anu simon (super seksi tur montok) tea.

DURSILAWATI: Tapi maneh kalah cadas, Ban.

BANOWATI: Naon ari kalah cadas teh?

DURSILAWATI: Kalah cantik jeung cerdas!

BANOWATI: Kajeun! Nu mahapenting menang sexy. Abdi jamin bakal sukses dina saingan. Otak mah teu penting! Nah--naon si hebatna Srikandi anu memang cantik jeung cerdas eta? Sareng deui approach abdi ka Aa Arjuna eta atos ti mimiti TK. Pasti Srikandi kalah beurat!

SURTIKANTI (imut-kalem): Hanjakal abdi atos tunangan sareng Aa Awangga. Upami acan mah, abdi oge bade ngiring raramean saingan sareng ente. Naon si hesena mentel Arjuna?

DURSILAWATI: Pegatkeun wae tunangan anjeun, Kanti. Keur dijadikeun kabogoh kuring.

SURTIKANTI: Enakna!

Bom-seuri ngagaur di tengah maranehna. Di kajauhan Srikandi masih nangtung kaku-beku ningali Arjuna anu leungit ditilep juru kampus. Anjeuna lugay tina ngahuleng-jentulna sawaktos Aswatama nyodorkeun serat anu sampulna biru laut. Anjeuna sempat ngecapkeun nuhun, teras bablas.

Mega tambaga di langit
Kulon ngajurung poek
Sandekala lengket dipepende
Peuting anu tiis tingtrim!

PANCALA.--Srikandi nutup panto kamarna. Lalaunan anjeunna muka sampul serat ti Aswatama. Geuningan eta serat teh tulisan Dr Kumbayana. Wah--bapa dicomblangan anak ni yee!--pikir Srikandi. Isina gombal! Rampung maos eta serat gombal teh dipiceun ka luar.

Di luar, Gandamana--ajudan Jendral Drupada, ramana Srikandi--kapeupeuh remesan serat gombal eta tepat ngembat jidatna. Serat dicandak sareng dibaca ku mantenna bari lumampah:--

Dear Srikandi,

Anjeun geulis leuwih ti Juliet
Cinta abdi ka Anjeun leuwih ti Romeo!
Aksesori anu tinaretes dina dada Anjeun
Migawe hate abdi timburuan siga Othelo
Ka Desdemona!

Mit der Liebe
Dr Kumbayana

Gandamana kaget-monyet. Bari cicing mantenna teh neundeun kadeudeuh ka putri atasanna. Timburuanna ngadadak ngagolak nyaingan kawah Candradimuka. Sakolebat kilat mantenna luncat kana jeep plat hejona. Teras bablas kabawa gas! Ningali solah-polah eta ajudan, panjaga piket molongo siga kebo bodo.

Peuting serem-kejem
Nyaingan jahanam
Jalan poekmongkleng

Jeep plat hejo eta ngabelesat dahsyat. Ngadadak jerit rem meulah langit. Kendaraan-kendaraan anu ngahindar tina benturan sareng jeep anu nuju kasetanan eta, aya anu tiguling ka jurang, nyuruduk kutis jalanan, ngalabrak-nabrak padagang kaki lima, sareng … ah, macam-macamlah. Gandamana teu malire! Ti jero eta jeep kadangu soanten:--

"I don't care anymore! Cinta leuwih penting tina bahaya, leuwih utama tina etika! Kumbayana jahanam--dipodaran ku aing!"

SOKALIMA.--Estu sarwa rusuh teu puguh, Gandamana banting stir. Jeep ngaliuk siga jurutari ballet. Di payuneun bumina Dr Kumbayana, jeep eureun. Gandamana luncat turun. Jangkah-lengkahna mantap, gagah-megah ala Commando. Tampangna leuwih sadis-bengis tibatan teroris!

GANDAMANA: Kumbayana--kaluar sia!

Goakanana ngagaur ngabentur bisu. Nanging di jero imah kadangu aya tuur saling bentur, gemeter margi kacida sieuna. Gandamana najong panto dugi jebol-ambrol.

Dr Kumbayana nyamuni di kolong ranjang; teu eureun-eureun anjeunna adu-tuur! Jangkah-gagah sapatu radial sky-high nyaketan. Ranjang milu ngaderegdeg teu katahan. Sapatu radial eta beki caket. Moncong bedil model Rambo nyolonong pas kana cocopong irung Dr Kumbayana.

GANDAMANA: Milih hulu sia dhedhel-duel, atawa nyerah?

KUMBAYANA: Modar aing! Enya-enya… a-abdi b-bade k-kaluar! T-tapi u-lah d-ditembak, Agan.

Nanging Dr Kumbayana teu tiasa lugay tina panyamunianana. Mani kasar sareng kurang-ajar pisan Gandamana nyeret mantenna.

KUMBAYANA: A-abdi u-ulah d-ditembak, Agan. Mangga Agan candak eta TV, video, atawa eta gaji abdi masih utuh….

GANDAMANA: Cicing!!! Aing lain rampok! Hayu milu jeung aing!

KUMBAYANA: Agan bade yandra abdi? Percuma, Gan. Abdi teh jalmi teu penting, sanes politisi, sanes pangagung. Saukur pagawe, Gan.

GANDAMANA: Sia geus lancang-pena. Sia kudu narima hukuman beurat lantaran geus kumawaningagoda putri sang jendral!

KUMBAYANA: Ngahukum? Tapi man serat tugasna, Gan?

GANDAMANA: Teu perlu tugas-tugasan!

KUMBAYANA: Tapi, Agan--dupi nagara urang teh nagara hukum. Sanaos abdi salah, abdi mohon Agan kersa ngangge prosedur anu berlaku.

GANDAMANA: Prex! Dunya satria ala wayang ngan kenal teunggeul-teunggeulan, jotos-jotosan, jeung adu kanuragan. Aing hanyang ngabuktikeun naha si Kumbayana ieu bener-bener sakti mandraguna ora tedas tapak paluning pande--eh, sorry--eta kuno! Maksadna, tapak-cetak teknologi nuklir, rudal jeung sajabana!

KUMBAYANA: Wah, Agan--ampun dah! Abdi saukur intelektual-brahmana, Gan.

GANDAMANA: Naon maksadna, Dok?

Dr Kumbayana imut demi ningali Gandamana luntur-lulur sadis-bengisna. Kasempatan eta teu disia-siakeun.

KUMBAYANA: Nah! Agan hoyong terang naon hartosna intelektual-brahmana? Goed! Eta teh manusa anu gaduh batok sirahna pinuh ku dalil-dalil iptek sareng falsafah sedengkeun batinna pinuh ku jopa-japu!

Gandamana suntrutkerut jidatna. Bedil Rambo-na diturunkeun. Dr Kumbayana teu ginggilapeun deui. Mantenna ngaraos polemologina sukses. Beungeut sadis-bengis ngadadak luntur sepertos gombal murahan.

GANDAMANA: Naon eta jopa-japu teh? Sajenis mantra nya, Dok?

KUMBAYANA: O, sanes! Eh, enya oge. Nah--eta! Nanging mantra benten tina doa-doa. Uninga, Gan?

GANDAMANA: O?

KUMBAYANA: Malah upami Agan kersa uninga--aya mantra modern anu tiasa midamel jalmi janten naon anu dikersakeun. Leres, Gan.

GANDAMANA: Naon eta teh, Dok?

Dr Kumbayana sajurus ngemutan mantra modern anu diapalna. Ngangge gaya bujangga mantenna maos eta mantra:--

Papaliko arukabazuku kodega suzukalibu tutuk liba dekodega zamzam lagotokoco

Busyet! Eta mah tina "Husspuss" damelan Sutardji Calzoum Bachri. Dasar-dasar! Gandamana rumaos dibobodo katotoloyo. Lantaran teu kiat nahan sewot campur kekerot, jab sahebat Tyson telak nabrak irung Dr Kumbayana. Sareng tajongan Tae Kwon Do Gandamana cekap pikeun midamel remuk panangan kenca sasaranna. Doktor sial-dangkal eta ambruk.

Bumi goncang langit goncang!
Tinggal poek dina kiceup!

RUMAH SAKIT.--Sokalima gempar! Dr Kumbayana ancur-babak-belur. Aswatama teu daya teu upaya. Anjeunna teu terang saha anu ngarogahala ramana. Peuting eta saparantosna nganjang ka Dursilawati, anjeuna nyampakan bumina barantakan sareng bokapna tilelep dina jero got persis cucurut. Anjeunna ngira parantos aya kajadian parampokan rajapati. Nanging teu aya barang anu leungit kacuali kancing baju bokapna anu rontok katawuran. Hasil panalungtikan detektif partikelir positif sanes motif parampokan, nanging panganiayaan.

Di ruang tunggu rumah sakit, Aswatama bingung ngahurun balung. Sawaktos hiji dokter kaluar ti ICU, anjeunna nyaketan.

ASWATAMA: Kumaha, Dok?

DOKTER: Emm--sae. Gegar otakna tiasa dicageurkeun, nanging cacad teu tiasa disinglar. Utamina, waos, pangambung, sareng panangan kenca Dr Kumbayana teu tiasa pulih kajati sempurna sapertos sedia kala.

Aswatama ngagereges lemes. Anjeunna rubuh-runtuh nubruk korsi lipat anu sukuna x. panonna redup lir lampu kurang setrum. Dokter eta saukur tiasa imut cuka. Haseum-asem! Tina kaca, langit katempo pucet siga kain kafan. Tatahan wajah pasrah lemah kabalut luka parah. Dr Kumbayana ngabujur di ditu. Dina sela-sela peurih-balilihna sasakali kadangu ngalinduran, "papaliko… bazuku… suzu… ibu…"

Lemes-ngenes Aswatama jadina. Diteutteupna saratus botol infus giliran ngalawan mampus. Dina kesedih waktos karaos laun pisan.***

Waos janari sepi
Tanpa kocap tanpa
Taros tanpa wartos!

Aswatama narik nafas bedas! Anjeunna muka catetan dintenanna: Minggu, Senin, Selasa… Minggu, Minggu, Minggu--sareng duka atos sabaraha Minggu kaliwat, Dr Kumbayana teu acan cageur. Laun tapi pasti, Aswatama nyoretkeun pulpenna:--

Tinggal tanggal anu robih; tapi dinten teu ganti-ganti. Bokap abdi masih kuyu. Perkarana beku. De polis ken du nating! Meureun ngahaja dikulkaskeun. Bebene abdi, si gembrot Dursilawati, oge sialan. Caket kamar mayat, manehna masih menta di-68. Cek manehna, "Cinta teu kenal sangsara!" Aje gileee! 68 deui sareng deui-deui 68. Gila-gelina teka-teki! Manehna memang seneng anu hot-hot: martabak panas, atawa kue Bandung haneut. Rakusna juilah! Abdi kakara sapotong, manehna geus seep tujuh. Cocoklah sareng huntuna anu radial jiga ban traktor! Dasar ondel-ondel Betawi! Cuweklah….

Kadangu lengkah gagah nyaketan. Aswatama nutup bukuna. Tina waos corridor muncul Arjuna.

ARJUNA: G'morrow, Tom! Pak Doktor atos cageur?

ASWATAMA: G'monin, Fren--nya kitulah!

ARJUNA: Panalungtikan polisi kumaha hasilna?

ASWATAMA: Nihil!

ARJUNA: Sure?--may and may not be. Abdi nuju nyobi nyukcruk masalahna. Kajahatan teu bisa minggat kajaba ka neraka.

ASWATAMA: Yes, Fren--smes it! Yu'll be ol rait.

Arjuna maklum-mafhum kana dialek Inggris mbeling Aswatama. Saparantos ngalongok Dr Kumbayana, Arjuna cabut-suku.

ARJUNA: G'bye, Tom!

ASWATAMA: G'bay, Fren!

Waos corridor neureuy Arjuna buleud-buleud. Lenyap-ngeclap!

Singkat wartos
Ngudag peristiwa
Tandana Kurawa
Pada unjuk-rasa!

ASTINA.--Letjen Sakuni, Kapoltabes Astina, nuju mimpin briefing. Letkol Kartamarma calik bari milintir kumisna anu sakaku ruji bui. Mayor Citraksi angguk-anggukan sirahna sanes ngartos kana intruksi pamingpin, nanging lantaran ngantuk. Kopral Citrayuda sare dugi dahdiran.

SAKUNI: Hasil panalungtikan anu motifna politik geus positif yen anu nganiaya Dr Kumbayana teh Bima! Sabab jalma anu boga ramo jiga cau ambon sasisir mah ngan si Bima wungkul. Teu ragu deui--tewak si Bima bangsat eta. Laksanakeun!

KARTAMARMA: Sayagi!

Saparantos hormat ka pamingpin, Letkol Kartamarma ganti nyiku anak-buahna. Leletak ka luhur sisiku ka handap teh parantos ngakar dina tradisi! Budaya mines anu teu tiasa disinglar. Borok samodel kitu mah ulah diperban--amputasi wae amih nyaho.

KARTAMARMA: Yor-Mayor--hudang sia! Molor wae. Hudang, Yor!

Mayor Citraksi malah kontes kerek sareng Kopral Citrayuda. Letkol Kartamarma teu seepeun cara kangge ngagugah anak-buahna.

KARTAMARMA: Mayor, kuring meunang bonus yeuh!

CITRAKSI: Mana-mana? Bagi hasil atuh, Overste!

CITRAYUDA: Fifty-fifty wae atuh, Ov, sareng anak-buah.

Letkol Kartamarma miringis sinis. Nah sia! Upami parantos kitu mah, anak-buah daek teu daek kudu disiplin. Marantenna teu tiasa midamel anu sanes kajabi jengkar mancen tugas.

TAMAN.--Lantaran Bima sanes buronan, gampil pisan ditepanganana. Di hiji taman, anjeunna nuju asyik bebenean sareng kabogohna--Nagagini. Letkol Kartamarma buru-buru ngatur strategi pikeun newak Bima.

KARTAMARMA: Kasempatan! Bima keur bebenean jeung banci. Awas ulah sampe lolos! Maneh nyaho cara pangcanggihna pikeun nyiduk Bima, Mayor?

CITRAKSI: Gampang! Tembak di tempat wae, model petrus tea.

KARTAMARMA: Hush--ngaco! Eta mah cara nu ahir. Emut--urang teh kudu ngajaga citra de polis.

CITRAYUDA: Abdi usul. Saena mah ngangge mantra panyirepan amih Bima kapineuhan teras tinggal digusur. Pan beres?

KARTAMARMA: Maneh bisa ngrapalna, Pral?

CITRAYUDA: Atuh puguh we. Saha heula, abdi!

CITRAKSI: Alaaa--bibisaanan sia mah. Coba sok uing hayang nyaho.

Kopral Citrayuda sidakep nangkeup dada. Panonna peureum. Waosna komat-kamit ngarapal lafal mantra panyirepan:--

Rep sirep si megandana,
Wong sarewu pada tumut,
Salaksa wong serah nyawa.

Reaksina teu acan katempo. Bima sareng kabogohna malah tambah mesra. Mayor Citraksi mulai calangap lir buhaya heuay; tapi anjenna mah memang gaduh panyawat lethargy. Letkol Kartamarma bengong-monyong. Suasana malah nambah gairah Bima. Komo deui doi'na teu sungkan-sungkan nyungsepkeun sirahna dina dada Bima.

KARTAMARMA: Cilaka dua-belas, Pral! Urang tewak waelah!

CITRAYUDA: Antosan sakedap. Tingali tuh Bima mulai nunduk. Doi'na atos sare dipepende.

KARTAMARMA: Busyet--emang eta jalma keur in action. Lain molor, Pral. Goblog sia mah!

Tanpa disangka, Bima mantingkeun botol minuman sareng tepat ngembat jidat Letkol Kartamarma. Teu ampun deui, anjeunna kontan pingsan. Awakna rubuh mirip gedebog ditebas pedang. Panon beureum-ngantuk Mayor Citraksi molotot jiga traffic light. Beureum-koneng-hejo!

CITRAKSI: Tewak, Pral!

Bima kaget-copet disentak-bentak Kopral Citrayuda. Nagagini ngaderegdeg kamigilan. Bima lugay. Diteuteupna beungeut Mayor Citraksi sareng Kopral Citrayuda anu jiga cow boy kampung tea. Bima nyangka marantenna eta barandalan anu sok jagoan nuju milari story. Ngangge sikap jantan ala pendekar, Bima jumangkah siap tempur.

CITRAKSI: Nyerah waelah, Jang!

Panangnan mucuk pestol nyolonong kana irung Bima. Sakolebat kilat anjeuna nyambar eta pestol, sareng tinjuna nabrak telak beungeut bewos-jembros si Mayor. Ningali pimpinanna di-KO dina menit mimiti, Kopral Citrayuda nyandak pestolna. Tanpa sempat ditodongkeun, hiji teunggeulan anu bobotna 3 kintal ngabentur beuteung-bucittreukna. Teu ampun deui kopral-sial eta ngagubrag di luar taman, teras ragrag kana jero got butek. Tongtonan gratis tuh--cek jalmi anu liwat.

Bima ngaresikan leungeun bajuna. Nagagini anu ti tadi kaku-beku di pojok taman, buru-buru nubruk doi'na. Bima ngarangkul kabogohna.

NAGAGINI: Aa teu kumaha-maha, kitu? Sieun abdi tadi--tapi, asyik oge. Gaya Aa jiga Mr T bintang The A Team tea!

Bima mesem-kalem. Kadua sejoli eta "cup-mmmh-cup-mmmh", teras bablas.

Siang anu panas
Tumaros poe naas

MARKAS.--Letjen Sakuni ngadampratan anak-buahna.

SAKUNI: Bodo! Mancen tugas siga kitu wae teu becus!

KARTAMARMA: Soalna teu mempan mantra.

SAKUNI: Mantra? Nanaonan si? Tolol sia mah! Pake otaklah. Ditembak-bius oge--beres!

CITRAKSI: Bener oge, nya? Ku obat-bius, dijamin lemes-ambles tah si Bima. Let's go, Pral!

"Biang Kaniaya Dr Kumbayana Katewak!"

SOKALIMA.--Arjuna olohok maos wartos Suara Astina. Bima buru-buru diajukeun ka pangadilan. Arjuna ndoyong jadina--naha malah Bima, lanceukna, anu ditewak sareng didakwa nganiaya Dr Kumbayana? Jelas fitnah!--pikir Arjuna. Talungtikanana sorangan nembe saparo jalan: serat gombal-kumal tulisan Dr Kumbayana, parantos katemu ku Arjuna dina wadah runtah. Serat eta aya patalina sareng kembang kampus Sokalima--Srikandi. Di emper kampus, Arjuna dihadang Banowati.

BANOWATI: Jun, anteur abdi shopping nya?

ARJUNA: Wah--sorry lah, Ban. Andi nuju sibuk yeuh.

BANOWATI: Sakedaaap wae, naha atuh, Jun?

ARJUNA: Teu tiasa, Ban. Aya urusan penting!

Banowati suntrut-camberut, gagal ngagaet Arjuna kangge diajak jalan-jalan. Padahal anjeunna parantos taruhan sareng Surtikanti oge Dursilawati. Arjuna teu ngagubris muka-kuciwa eta. Serat gombal-kumal ngajak anjeunna tumuju ka bumina Srikandi.

PANCALA.--Saparantos ngisi buku-tamu anu disodorkeun si beungeut sadis-bengis Gandamana, Arjuna nembe tiasa tumuju ka ruang tamu. Srikandi muncul bari imut ngagelenyu manis sapertos iklan lipstick. Awakna katempo padat-sehat kabalut calana jeans ketat sareng T-shirt ngepas. Arjuna anu apal kana Katuranggan Perawan, kontan ngalebetkeunana kana tipe wanoja Gedang Kencana sareng rada Mitra Dharma!

SRIKANDI: Come in, Jun. Ahirna anjeun dugi ka dieu.

ARJUNA: Danke! Abdi perlu bantuan, Kandy.

SRIKANDI: O-ya? Naon atuh?

ARJUNA: Anjeun kenal serat ieu?

Ningali serat gombal tulisan Dr Kumbayana aya dina panangan Arjuna, Srikandi kaget-monyet. Arjuna mesem-kalem.

SRIKANDI: Serat eta kapungkur dipiceun ku abdi. Naha nyasar ka anjeun, Jun?

ARJUNA: Abdi nemu tina wadah runtah Dr Kumbayana. Anjeun anu mulangkeun?

SRIKANDI: Ah, henteu! Memangna kunaon si, Jun?

ARJUNA: Serat ieu aya patalina sareng panganiayaan Dr Kumbayana. Sareng deui, Bima parantos janten korban salah tewak. Pamohalan mantenna tega ngepruk-remuk dosenna.

SRIKANDI: Teras anjeun nuduh abdi, Jun?

ARJUNA: Sanes kitu, Kandy. Meureun aya jalmi anu timburuan teras ngarogahala anu nulis serat ieu. Anjeun parantos gaduh kabogoh, Kandy?

SRIKANDY: Em… teu acan, Jun. Papa ngelarang bebenean. Cek papa, "Cita-cita heula, nembe cinta!" Sareng deui, pangawalan Mang Ganda ketat pisan.

Kasempatan!--pikir Arjuna. Lengket diteuteup ku anjeunna. Dasar panon lalaki! Srikandi rumaos isin. Rona beureum dina pipina malah ngajumlah kageulisanana. Anjeunna nyabut teuteupanana tina gigir sofa. Teras anjeunna ngwantunkeun diri ngalirik cowok super-kece di beulah katuhu payuneunana. Nnging barantakan! Sorot socana tabrakan. Saoles imut Richard Gere kalukis-manis dina biwir Arjuna. Spontan-kontan jantung Srikandi daligdug nyaingan beat-drums Phil Collins.

ARJUNA: Abdi permios heula--see you later, Kandy.

SRIKANDI: Kok cepetan, sih? Bade ka mana, Jun?

ARJUNA: Maklum--detektif amatir! Yoo, Kandy.

SRIKANDI: Yoo-bye!

Nembe wae Arjuna ngalengkah ka luar pager, kadangu soanten beurat manggil. Anjeunna ngalieuk. Gandamana stand-by caket jeep plat hejona. Beungeut sadis-terorisna teu kenal kompromi.

GANDAMANA: Ulah coba-coba ngagoda putri Sang Jendral, lamun teu hayang sanasib siga Dr Kumbayana. Deuleu yeuh--Leungeun katuhu aing rumah sakit, leungeun kede aing naraka!

ARJUNA: O, ieu geuningan--anu nganiaya Dr Kumbayana teh?

GANDAMANA: Heu-euh--erek naon sia?

ARJUNA: Jantan oge rupina! Atawa mentang-mentang Ajudan? Prex! Kaadilan leuwih penting tina jabatan.

GANDAMANA: Ulah sok pahlawan, Jang! Jadi pangecut waelah amih salamet.

ARJUNA: Prex ah! Jalmi model kieu mah pantesna jadi eusi bui. Go to jail, Mang!

Ngadadak Gandamana luncat, tinjuna siap ngabentur sirah Arjuna. Nanging moleset! Si juru-kepruk panasaran, ambekna kawalagar nyaingan kilang minyak Iran anu dibom Irak. Pertempuran teu kasinglar. Segi fisik, Arjuna kalah gede; nanging segi taktik, anjeunna menang pinter. Teu aneh upami Gandamana kawalahan, teras nyabut peso commando-na. Kasurung ku buas-ganas eta peso nilup ngarah dada Arjuna. Sakolebat kilat disamber ku Arjuna, sareng talapunganana cekap pikeun nyungsepkeun Gandamana nyium aspal panas.

Gandamana buru-buru hudang. Muntang kana gigir jeepna, bari sempoyongan siga gaya mabuk, anjeuna nyandak bedil Rambo-na. Teras ditodongkeun ka Arjuna.

GANDAMANA: He-he-he… mampus-pupus sia, Jang!

ARJUNA: Bae! Sia oge pasti modar lamun nyaho saha aing.

GANDAMANA: Naha saha sia?

ARJUNA: Arjuna! Calon minantu Jendral Drupada.

Bedil siap "DOR" eta laun turun. Sanes lantaran grogi disentak-gertak Arjuna, nanging lantaran Jendral Drupada muncul sareng Srikandi.

DRUPADA: Maneh arek migawe nanahaon, Kapiten?

GANDAMANA: Anjeunna atos nyasaak harga diri kaula, Jendral.

DRUPADA: Bener eta omongan teh, Arjuna?

ARJUNA: Bohong, Oom! Ngaco-beo. Malah anjeunna anu miheulaan ngajak gelut. Anjeunna anu nganiaya Dr Kumbayana, Oom.

SRIKANDI (kaget): Naha dugi nekad kitu, Ganda?

GANDAMANA: Demi salira Nona Muda--kaula mikacinta ka salira.

Midangu pangakuan model kitu, Srikandi bengong-bolong. Arjuna imut kageget. Konyol! Sorot socana Gandamana rubuh-runtuh nubruk tungtung sapatu Jendral Drupada.

DRUPADA: Andika kudu tanggung jawab kana sagala resiko ieu perkara, Kapiten! En kula moal bisa nulungan atawa ngalindungan kana kalakuan model kitu. Kaadilan leuwih kawasa tibatan jabatan.

Mobil tahanan mapag Gandamana. Sakedap anjeunna sempat ngalirik kembang kampus Sokalima. Srikandi neuteup dugi mobil eta leungit ditilep tikungan. Teras anjeunna banting-panon ka Arjuna di sagigireunana. Arjuna mapag ngangge imutna anu "cup-mmmh". Tebar mekar kembang-kembang cinta dina dada Srikandi nantang kumbang rubuh-luluh dina rangkulan. Cup-mmmh--CUT! Kamesraan kembang sareng kumbang kampus kapapag lagu Greatest Love of All lantunan si super hitam manis Whitney Houston.

Semarang, 22 Januari 2008
Ki Harsono Siswocarito

Senapati Wanoja di Kurusetra

2008-01-13T19:25:00.000-08:00

Aja nangis aja nangis
Nangisi sing ora ana

MARKAS RANDUGUMBALA, AMARTA.--Pasukan Multinasional Wirata tumpas-kandas di naraka Kurusetra. Matswapati, Presiden Wirata, ambek-nyelek! Tapi teu daya, mantenna jago tua. Demi ngajaga wibawa, mantenna leupas-bablas ka markas. Pandawa nuju ngayakeun rapat-kilat.

DARMAKUSUMA: Para Pangagung Pandawa--urang perlu nyusun strategi sareng ngangkat senapati enggal demi nandingan pasukan Multimodern Kurawa anu dipimpin Jendral Bisma. Kitu manawi, Jendral Kresna?

KRESNA: Leres! Rupinya teu aya anu mampu ngagempur-ancur Jendral Bisma kajabi Kolonel Srikandi. Pangapesan eta senapati teh ayana dina panangan wanoja. Nah, kumaha Jendral Arjuna teu kabotan kitu?

ARJUNA: Henteu! Tapi apa teu salah-angkat? Masih loba perwiratama di Amarta. Naha milih wanoja pikeun jadi senapati?

KRESNA: Memang, Jendral Arjuna--tapi urang perlu cara lain. Amarta kalah margi kaliwat ngandalkeun strategi sareng teknologi tempur. Padahal strategi sareng teknologi tempur Jendral Bisma jauh leuwih tangguh-ampuh tanpa kuciwa pisan. Hiji-hijina cara kangge milarian pangapesan Jendral Bisma nyaeta kedah nalungtik biografina, utamana dina "Carios Dewi Amba". Di dinya ayana tragic aspect manusa Bisma. Sareng wanoja anu leuwih waspaos maos kakuatan makna-batin eta carios.

BIMA: Waaah, teu nalar! Moal bisa sastra dijadikeun tandingan teori-strategi perang!

NAKULA: Kaunaon kitu? Umapi dicandak sacara tepat sareng jitu, inspirasi bisa leuwih hebat-dahsyat daripada teori maupun strategi.

SADEWA: Bisa jadi! Sareng deui ieu nagara teh anti diskriminasi. Divisi Sawojajar saluyu kana dingkatna senapati wanoja.

BIMA: Hade! Divisi Jodipati oge saluyu!

DARMAKUSUMA: Harepan kaula musyawarah ieu kedah mufakat-bulat. Magi upami teu aya kamufakatan, moal bisa kalaksana manunggalna tindakan. Sareng kumaha miturut Kakang Semar?

"Siplah, Pa. Usulkeun kuring jadi senapati."
"Huh, sok gaya maneh mah, Aa!"
"Keur bela-bakti atuh, Dawala."
"Bela-bakti naha pangkat?"
"Jadi hansip oge teu becus!"
"Sok pahlawan!"
"Sssh, ulah ribut, Jang!"
"Sae, Pa!"

SEMAR: Hatur nuhun, abdi percanten kana kabijakan-kabajikan para pangagung. Nya, sumangga teh teuing nun.

"Payah! Teu nyorakeun nurani hamarayat."
"Sst! Loyalitas, Aa!"
(Zzzz!)
"Eh, sora naon eta, Dawala?"
"Gareng kerek--"
"Dasar!"
"Cicing, Jang!"

DARMAKUSUMA: Nuhun, Kakang Semar. Sae, dupina urang parantos mufakat pikeun ngangkat Kolonel Srikandi jadi senapati. Sareng rapat ieu dipungkas.

(Tok! Tok! Tok!)

"Excuse me, Sir. Can you tell me about--"
"No! Scat!"
"Op de rekord, Mistuh!"
"Saha, Reng?"
"Isuis-luar, nyasar!"
"He-he, yo-ah ka garis hareup!"
(Kriiing… klek!)--"Hello, saha?… O, Mas Gatot… Di dieu Sri! Aya wartos penting?… Oke, Brigade Jane d'Ark Madukara sayagi miyang ka Kurusetra!… Muhun, Merdeka!"--(Klek!)

Mabuk, ulah sibuk
Mabuk, ulah sibuk
Mabuk, ulah sibuk

MARKAS BULUPITU, ASTINA.--Kurawa nuju pestaria ngrayakeun kaunggulanana. Nginum-inuman dugi ambruk-mabuk! Cek budak ngora mah: "Teller!" Ningali anak-buahna lagrag-disiplin jiga kitu rupina, Jendral Bisma kuciwa-beurat. Memang, kamenangan bisa ngamabukkeun!

"O ciu kahirupan!"
(Gluk! Gluk!)--"Aahh…."
"Vodka. O dansa Mazurka!"
(Pluf!)--"Nginum, Dur! Salamet--" (Ting!)
"O Subadra, Subadra, ka dieu, Geulis… isuk Arjuna arek dipanggang! A-anjeun r-rek d-dipasihan s-suaka… hooeekh!"

CITRAYUDA: Huh! Mabok-kampungan!

DURSASANA: Piceun we kana got, amih nginum comberan!

DURMAGATI: Eh, zangan--kazihan! Kazih racun aza zekaliguz biar mampuz!

"Oh, Rukma, m-maneh p-paeh? K-kajeun, m-maneh pahlawan anu p-paling--"
"Konyol!"

Jendral Bisma kaluar ti markas. Mantena teu tahan ningali kaayaan wadyabala Kurawa! Naon hartina kamutakhiran strategi sareng teknologi perang upami para tamtama-punggawa lumpuh-sampyuh mati-disiplin? Teu aya gunana!

"Aya naon, Pral?"
"Lapor! Pandawa masihan upeti wanoja!"
"Eleuh! Aziiik!"
"Cihuy, hayu ah ka Kurusetra!"
(Prok! Prok! Prok!)--"Hey Dur, Cit, Karta! Hayu ka front!"

BISMA: Heh wadyabala! Piceun botol-botol setan eta! Pandawa nyerbu!

"S-sayaaagi!"

BISMA: Kapaksa! Bala-mabok ieu kapaksa digiring ka medan perang.

Mabok-tempur!
Babak-belur!

Do not weep
War is kind

"Kaula bade ningali perang, Tante."
"Ulah, Sanjaya! Engkin keuna ku rudal nyasar!"
"Moal ah, Tante Kunti--pan aya kelir Anti Nuklir."
"Ngaco! Abah ambek tuh!"
"Keun wae, hayu-ah, Tante."
"Widura! Widura! Anak maneh nekat minggat ka Kurusetra!"
"Keun wae, Ceu. Saha nyaho wartawan perang?"

KURUSETRA.--Di Pasisian!

"Nongtonna di dieu wae."
"Heu-euh lah!"

Dug-drugdug-dug-dug!
Sora bedug daligdug!

"Hidup Bisma! Hidup Kurawa!"
"Hinup Ngurawa! Ngamari uing mengang naruhan nerong-- hinup Muna Nerong!"
"Reng, teunggeul tuh botoh Kurawa!"
"Dipalinteng wae, Dawala!"
"Yeuh batuna."
(Cpret!)--"Hinup--(Plethak!)--anuh! Menyut hulu uing!"
"He-he-he…!"
"Roko-roko, premen Menthos, tisu Getsby! Tisu, Oom--anti-hamil?"
"Teu ah!"
"Es-es! Es panas!"
"Koran-koran! Berita panas--KURUSERTA MEMBARA. Tempur konyol di Kurusetra, mangga, koran-koran!"
"Teloor, telor manis!"
(Jreng!)--"Punten para wargi, wilujeung tepang sareng idinan ngahibur sadayana!"--(Jreng!)
"Maaas, paring kula nyuwun, eMaaas!"--(Klotrak!)
(Cplek!)--"Sip! Pandawa jago aing! Naon taruhanna?"
"Bebene aing!"
"Jang naon! Kolot-bakekot!"
"Ngece-kere!"
(Tet-treteeet!)
"Hitut, Mang?"
"Terompet belegug!"
"Kehed! Pindah ah!"
"Euleuh ituh barisan awewe--bade perang apa renang?"
"Sst! Tempur di kasur!"
"Hush! Ngawur!"

Dina waktos harita Brigade Jane d'Ark Madukara tiasa ngajebol-ambrol wadyabala Kurawa. Sareng konyolna deui, para tamtama-punggawa Kurawa mayunan eta serangan sami sareng mayunan pamajikan.

"O, come, Darling!"
"Darling-darling ngaje--(Dor!)--hulu sia!"
"Eladalah! Teja-teja sulaksana, tejanira wong anyar katon, ing wingking pundi pinoko, ing ngajeng--"
(Dor!)--"Lila teuing!"
"Seepkeun wae, Neng! Perang make basa-basi kuno!"

SRIKANDI: Bisma, tarima tah wanci-mustari pikeun tamat riwayat!

"Awal, Jendral!"--(Dor!)

BISMA: Aaakkkhhh!

"Hooorrreee! Bisma gugur!"
"Hidup Panglima Wanita!"

Ki Harsono Siswocarito
Semarang, 14 Januari 2008

Seta Senapati Amarta

2008-01-03T20:14:00.000-08:00

Taneuh beureum getih
Langit beureum Agni

KURUSETRA--Kawalagar! Hurung-ngajelegur, siling-bom, siling-tembak, siling-bantai janten tanda kaayaanana perang Baratayuda. Nafas-sakarat sareng keleh-paeh ngarajalela. Naraka Kurusetra teu pisan ngenal kompromi. Seureum-kejem jiga jahanam!

Di garis hareup, Kolonel Wratsangka menang ngagempur mundur pasukan Kurawa. Teras mantena ngibarkan bandera Amarta di tengah medan Kurusetra.

ARDAWALIKA: Teu salah deui, anu ngibarkeun bandera di tengah medan Kurusetra itu pasti si keparat Arjuna. Ayeuna wanci-pinasti pikeun modaran si Arjuna demi dendam. Arek dihujanan bom atom ku aing--modar-ambyar sia keparat!

"Awas! Pesawat siluman!"
"Bom--tiaraaap!"

(GELEGAR!)

"O, my God!"
"Wratsangka gugur!"

ARDAWALIKA: Hah? Wratsangka? Sial-dangkal! Salah ngebom. Cilaka--aing kudu geuwat-minggat amih salamet!

"Tembak-lagrag! Aduh kaburu jauh!"
"Buruan kontek Kapten Utara!"
"Sayagi!"

Wartos tewasna Kolonel Wratsangka di garis hareup bener-bener ngawalagar-kobar kaperwiraan Kapten Utara.

UTARA: Biadab! Kaula mesti males patina Wratsangka.

Hutang maut ditebus maut
Hutang nyawa bayar nyawa

"Hutang kolonel bayar kopral!"
"Hush! Eta can lunas-puspas!"

UTARA: Bangsat Kurawa, tampanan balasan kaula.

"Euleuh, Kapten Utara amuk-amukan!"
"Geuwat dibentar granat!"--(Pluk!)
"Busyet, apes, Dur!"

BISMA: Awas, Utara--ulah nanya dosa! Rasakeun senjata laser ganas-panas ieu.

(ZOZZZ!)
"Utara gugur! Utara mati! Utara modar!"
"Duh, Gusti! Kumaha, Dawala?"
"Lapor ka markas, Reng!"
"Gawat tuh! Buru lumpat!"

MARKAS RANDUGUMBALA, AMARTA.--Gempar! Wartos tumpur-ludesna pasukan mancanegara ti Wirata migawe para pangagung Pandawa haseum-hate. Ternyata pasukan Kurawa anu dikomandanan Panglima Jendral Bisma tuhu tangguh tur ampuh! Para inohong Amarta buru-burua ngangkat panglima tandingan. Pilihanana tumiba ka Jendral Seta, mahapakar strategi tempur pamungkas ti Wirata.

YUDISTIRA: Wilujeng ngemban tugas, Jendral Seta.

SETA: Sayadi ngalaksanakeun!

KRESNA: Marsekal Gatotkaca--kawal jengkarna Bapak Panglima!

GATOTKACA: Sayagi lumampah!

Cepat-kebat pesawat-tempur Krincingwesi mapak mega jumantara. Lajeng Panglima Seta diturunkeun ka medan perang.

FRONT KURUSETRA.--Dongkapna bantuan pasukan Wirata sareng Panglima Seta mikukuh kakuatan tempur Amarta. Sawatawis di pihak Astina teu acan dipasok pasukan enggal. Jendral Seta henteu nyia-nyia eta kasempatan. Atuh gampil pisan pasukan Amarta ngagempur-lebur pasukan Kurawa.

SETA: Hmh, Bisma, aing tandingan sia! Sia kudu nebus dua nyawa panglima Wirata. Sanghareupan yeuh Seta, Panglima Pamungkas ti Wirata!

"Gempur-mundur!"

Geuwat-minggat
Bisma ngabur
Mundur-tempur

BISMA: Edan! Si Seta bener-bener setan!

"Moal mampu urang nangkis si Seta setan eta!"
"Geuwat lumpat amih salamet, Let!"
"Ulah nekad, Citraksi!"
"Dur, mundur!"

SETA: Hua-ha-ha… Bisma mundur-kabur! Mana kadigdayaan sia, Bisma? Ulah sambat kaniaya! Rek minggat ka mana sia, Bisma?

"Euleuh, Bisma ngaluncatan blabar kawat!"
"Sikat granat!"
(BLAAAR!)
"Tumpur-ludes tah Kurawa!"

SETA: Hmh, euweuh urang Kurawa anu wani asup ka Kurusetra. Medan tempur ieu mutlak aya dina kakuasaan kaula.

Suasana herang-tenang
Situasi hening-wening

"Asyik, dewek arek kukumpul rongsokan tank ah."
"Juragan besi-tua nya, Mang?"
"Ist, lain! Dewek mah laskar pamulung."
"Eh, Kang, keur naon si ngurusan barang sesa perang?"
"Ah, lumayan jangeun didaur--(Dor!)--eh!"
"Gawat! Ada panembak gelap!"
"Awas tiarap!"
(Dor!)

SETA: Hmh? Panembak gelap! Ti mana, nya? Aneh--teu katenjo.

(Dor!)

SETA: Hai pengecut! Tembongkeun awak sia lamun rek bener-bener satria. Tandingan Seta.

(Dor!)

SETA: E-eh keparat! Si pengecut eta kudu dipicundang. Kaula arek pura-pura paeh, amih kaluar tina panyalindunganana.

(Dor!)
"Seta gugur! Seta mampus!"
"Seta modar di-dor petrus!"
"Perang isu yeuh?"
"Sst, rahasia!"
"Eh, Pral, hayang nyaho teu? Tapi ulah cacarita. Seta dipetrus Letnan Rukma!"
"Hidup Rukma! Pf, pahlawan Kurawa!"

RUKMA: Ha-ha-ha… yeuh kaula Rukma pahlawanna! Satria pilih tanding! Mana koncarana aran si Seta? Cuih--omong-kosong! Ayo datangkeun sekabeh kakuatan tempur Amarta, pasti kugiles-tandes pake invisible-tank ieu.

SETA: Hua-ha-ha… dasar gede bacot! Rukmaa-Rukma, sia ngira aing teu gableg polo pikeun nyiasatan kalicikan sia eta? Rasakeun senjata buas-ganas ieu!

(Leb-Der!)

"Rukma mampus! Rukma mati-konyol!"
"Hidup Panglima Amarta! Hidup Seta!"
"Seta! Seta! Seta!"

BISMA: Heh, Seta, ulah kaburu bangga heula! Sia pasti buntung-tutung keuna ku ieu senjata laser. Rasakeun, Seta!

(ZOZZZ!)

SETA: Aaakkkhhh!!!

Takdir teu kapungkir
Qadar teu kasinglar

"Seta, o, Seta… Gusti!"
"Seta gugur! Seta gugur!"

BISMA: Ha-ha-ha… Seta, modar akhirna sia. Moal bakal aya anu mampu tanding-jurit jeung kaula!

"Horreee… Seta mampus!"
"Mampus! Mampus! Mampus!"
"Hidup Bisma!"
"Bisma! Bisma! Bisma!"

Hakekat semesta kata
Mibanda aya teu aya

Ki Harsono Siswocarito
Semarang, 4 Januari 2008

Balada Utopia Dr Sucitra

2007-12-23T21:18:00.000-08:00

Dene utamaning nata
Berbudi bawa laksana
Dene utamaning praja
Adilmakmur paramarta

ATASANGIN.—Sareng Dekan FISIP Prof Dr Kumbayana, Dr Sucitra ngadep Rektor Universitas Atasangin Prof Dr Baratwaja.

BARATMAJA: Kaula kaget maos serat panyuwun andika pikeun undur diri salaku akademisi. Naha, Dr Sucitra?

SUCITRA: Kaula bade ganti profesi.

BARATMAJA: Profesi naon?

SUCITRA: Politisi!

KOMBAYANA: Jadi politikus? Nah, hahaha… hebring! Utopia anu kacida luar biasana! Nangng, naha atos dipigalih ku anjeun? Pan anjeun teh teoretisi ilmu sosial politik, sanes praktisi. Bisa naon?

SUCITRA: Justru eta! Kaula bade turun kana politik praktis. Dina jagat akademisi teu aya peluang pikeun jadi politisi. Kaula butuh kabebasan politik, sanes saukur kabebasan mimbar!

BARATMAJA: Naha aya?

SUCITRA: Aya di luar negeri! Kaula bade emigrasi ka nagara anu ngajungjung demokrasi.

BARATMAJA: Atasangin oge nagara demokrasi. Arek ka mana deui andika milari demokrasi?

SUCITRA: Hmh! Demokrasi Atasangin semu-feodal! Kaula bade ka Pancala. Di ditu nuju aya suksesi. Presiden Pancala Jendral Gandabayu nuju matrapkeun suksesi demokratis.

KOMBAYANA: Naon eta teh?

SUCITRA: Saha wae tiasa janten presiden Pancala, upami mibanda power anu sanggem nandingan Jendral Gandamana.

KOMBAYANA: Nah, hahaha… power naon anu jadi andelan anjeun? Power Wagon, Power Metal, Power Slave? Nah, hahaha… naon coba? Teori? Gombal! Teori handal jiga naon oge sakadar aya dina wacana, sareng sadaya wacana pisah tina realitana. Leuwih radikal deui, teu aya hartina sadaya anu aya di luar wacana! Nah, Citra ulah ngimpi! Realistislah! Minterkeun kahirupan bangsa leuwih mulya tibatan utopia. Nah, hahaha.…

SUCITRA: Punten, Prof Yan! Kaula sungkan debat sareng anjeun. Acuan teori urang mah benten. Kaula saluyu sareng Michel Foucault! Wacana lan kawasa teu misah tina realita. Ieu perlu bukti! Prof Dr Baratwaja—kaula permios!

BARATMAJA: Sae, masing wiyatna di jalan!

SUCITRA: Permios, Prof Yan.

KOMBAYANA: Mangga-mangga, pamugi teh sukses! Upami aya hasilna, engkin tapaklacak anjeun diturutan ku kaula. Nah, hahaha… good bye!

SUCITRA: G’bye!

Kebat lumampah Sucitra
Tumuju ka nagara Pancala
Sayembara Pancala
Ngalawan Gandamana

PANCALA.—Presiden Gandabayu ngangkir Menhankam Jendral Gandamana kangge ngarembag suksesi politik.

GANDABAYU: Kumaha, Jendral Gandamana? Masih acan aya anu sanggup nandingan andika?

GANDAMANA: Acan, Pak! Nanging ieu aya jago anyar, Dr Sucitra ti Atasangin, inohong ageung ilmu sosial politik, sareng … bujangan! Huahaha… mangga majeng, Dr Sucitra.

SUCITRA: Hatur Nuhun!

GANDABAYU: Atoh terang kana aturan sayembara ieu? Air-war, perang gegana! Upami sanggem nandingan kahebatan tempur-udara Jendral Gandamana, andika boga hak diangkat jadi presiden Pancala sareng ngistrenan putri kaula Dewi Gandawati.

SUCITRA: Hah?

GANDAMANA: Huahahaha… ulah kaget! Naha arek adutinju kitu? Kuno! Hayu adulaga di angkasa! Salira bisa milih pesawat tempur mana anu salira suka.

SUCITRA: Modar awak kaula! Sae kaula bade nyoba.

GANDAMANA: Mangga!

Tandang gonera
Sang Gandamana
Sadaya warga
Nongton laga

PALAGAN.—Jendral Gandamana ngalengkah gagah ka arah pesawat tempur supermewah. Dr Sucitra bingunglutung! Sayembara ieu kanyana ku mantenna. Emutanna namung kaeusi ku teori politik, teu kenal strategi tempur. Bade mundur, isin! Tibatan mundur, mendingan tempur.

“Hayu, Sucitra!”
“Sayagi!” (Blaas!)

Dua pesawat
Pesat-kebat

“Hidup, Jendral Ganda!” “Hidup! Hidup!” (Prok! Prok! Prok! Suit-suit!) “Wah, nekad!” (Teet!) “Trompetna, Jang—torek yeuh!” (Toeet!) “Kehed!” (Buk!) “Adoow!” (Bruk!)
“Rasakeun tah!”
“Sst! Gandeng!”
“Caaang-kacaaang! Kacang, Om?” “Teu!” “Rokok, tisu, Getsbi!” “Teu!” (Jdak!) “Aduh, anjing! Teu meli, ninju!” “Hahaha…!”
(Duut!) “Hitut deui sia!” (Hfuh!) “Dasar!”
“Cicing! Ubreg wae! Eh, totoan yo?” “Oke, uing ngajagokeun Om Ganda!” (Cplek!) “Siplah! Kuring, Om Goen!” “Lho!”
“Heheheh…!”
(Zoss!) “Luput” (Blar!)
(Plas!) “Keuna!” (Glar!)

Pesawat tempur
Sucitra hancur

“Modar sia?”
“Teuing atuh!”

Gandamana jaya
Jago sayembara
Ganti kang cinarita
Tandana gara-gara

KARANG KABOLOTAN.—Teuis angin sumilir di pereng gunung. Pucuk gunung katutup layung. Tina hiji saung eurih nguumandang tembang. Kidung panghibur kalbu, tembang pangbeberah manah! Panakawan pada sempal kapiguyon.

Wayang mana, wayang mana?
Wayang eta nu pang jagona
Hayang mana, hayang mana?
Hayang eta nu pang gedena

“Ehm, brr… tiris euy! Moro bareng Agan Pandu mah sial wae kuring teh! Mantenna meunang anu ageung terus; ari kuring meunang nu leutik wae.”
“Nya heu-euh atuh, Dawala! Agan mah make bedil, ari silaing make palinteng. Beda!”
“Ahihi… tradisionil!”
“Moal bisa nyaruaan Agan Pandu: alat modern! Alat leuwih hebat tibatan bakat. Najan bakat hebat, tanpa alat pasti lambat. Biasa serba santai, nya narima atuh. Budaya statis arek ngalawan budaya dinamis. Moal bisa?”
“Enya-nya! Bapa ka mana?”
“Sareng Agan Pandu!”
“Ka ditu, yu?”

PANDU: Jigana liburan kaula atos cekap, Kang Semar. Hayu urang ka Astina.

SEMAR: Mangga, Gan!—Hayu, Jang!

“Asiiik!” “Siplah, Pa!”

Pandu ngambah jalan
Leuweung pangalasan
Halang terjang
Perang kembang

ALASAMAR.—Pandu Dewanata ogol begalan pati. Rintang-halang ditarajang. Para danawa nunjangmalang. Salangtunjang!

“Puah, bangsat! H-hareupan k-kaula Gendir Penjalin!”
“O, Cakil—teunggeul, Reng!”
(Pletak!) “Aduh!” (Cpret!) “Rasakeun!” (Bletak!) “Wadow! M-modar a-aing….” (Bluk!) “Hehe… ngan sakitu! Deui yeuh!” (Cpret! Thaak!) “Waaw… palinteng sia keuna hulu aing, Reng! Ngawur sia mah!” “Hehe…!”
“Babo-babo! Pragalba, Rambutgeni, Padasgempal, Jurangrawah, Buta Terong, Galiuk—serbu!" (Jlap! Jlap! Jlap! Jlap!)
(Plas!) “Hakan tah bom!”
(BLAARR!)

Para Buta
Pada fana
Kaget denira ningali
Satria ing geganawiyati

“Eh, tempo, Dawala! Tuh!”
“Hah? Parasit lagrag!”

Panakawan
Lalumpatan

PANDU: Saha andika?

SUCITRA: Kaula Sucitra. Haduh… untung kaula salamet! Eh, ari anjeun saha?

PANDU: Kaula Pandu sareng ieu Ki Semar. Naha andika bisa lagrag di dieu?

SUCITRA: Yeah… kaula kalah sayembara. Sialdangkal! Kaula teu mampuh nandingan kapiawaian air-war Jendral Gandamana ti Pancala. Luarbiasa!

PANDU: O, memang! Komo deui upami mantenna ngangge jet tempur Wungkalbener, moal tiasa nandingan. Eta kakiatan Pancala! Nanging, upami andika kersa, kaula tiasa ngabantu.

SUCITRA: Hah? Nanging—?

SEMAR: Em, hahahah… ulah samar, Pak Citra! Jendral Pandu Dewanata ieu the Presiden Astina. Mantenna ahli polemologi, pakarakbar budaya tempur.

SUCITRA: O, sae atuh!

PANDU: Tandinganana jet tempur Wungkalbener teu aya deui namung jet tempur Narantaka. Ieu logika perwira. Nanging kaperwiraan perlu disarengan ku kapinteran. Tempur sanes mung adubedas, nanging oge aducerdas. Modernitas Pancala ngan tiasa ditandingan ku posmodernitas. Inget Powershift Toffler, sareng War and Anti-War tiasa diacu.

SUCITRA: Wah, kawiryan teu leupas tina kawinasisan. Ngeunah teuing sare kaula dina menaragading politik. Kacipta ku realita, hirup dina utopia. Bener-bener anugerah, kaula tiasa papendak sareng Jendral Pandu Dewanata.

PANDU: Bawa jet Narantaka. Mugi-mugi tiasa sukses! Bral!

SUCITRA: Hatur nuhun!

Kebat Narantaka
Melesat angkasa
Genah ayena Sucitra
Megadigdaya di udara

PANCALA.—Dr Sucitra menang! Sarengsena sayembara mantenna dipasihan anugerah pangkat Jendral, nikah sareng Dewi Gandawati, lan dilantik janten presiden Pancala. Ayeuna mantenna ganti nami Jendral Drupada. Dina pamarentahanana, mantenna saluyu upami Jendral Gandamana diangkat janten Wapres.

Petik kembang sinebaran
Tutup lawang singgotaka

Semarang, 22 Desember 2007 Ki Harsono Siswocarito

Sang Hyang Segara Rekayasa

2007-12-22T20:00:00.000-08:00

Puja-puji kaula kangge mantenNa
Anu nyipta alam dunya saeusina
Hormat kaula kangge ki bujangga
Anu ngamumulyakeun mantenNa

ASTINA.—Para Kurawa nuju badami sareng Jendral Baladewa, Presiden Mandura, ngarembag masalah musibah negara.

DURYUDANA: Dewan sidang anu mulya! Luapan samodra, musim hujan anu luarbiasa, hujanangin, banjirbandang, siga bakal ngalelepkeun jagat, jadi malabencana global. Naha musibah ieu oge tumiba ka nagara Mandura?

BALADEWA: Iyo—sami! Malah loba daerah anu geus kalelep ku luapan samodra.

KARNA: Kitu oge Propinsi Awangga! Nalayan janten korban! Wisata bahari mati! Rusakporak di mana-mana.

DURYUDANA: Naon sabenarna panyebab malabencana ieu? Sareng kumaha cara ngatasina?

SAKUNI: Punten, Pa! Sugan Prof Durna gaduh sumbangsih pamikiran otentik sareng strategi pameulah masalah anu jitu.

DURYUDANA: Leres, Prof Dur—mangga unggah ka mimbar.

DURNA: Nah, hahaha… nuhun! Inohong ageung teu kudu kokoar dina mimbar! Tut wuri handayani! Nah, hahaha… regepkeun dewan sidang anu mulya—teu ukur Astina, Mandura, Awangga anu kena musibah, malah dugi ka Bangladesh. Leuwih miris! Nah, sacara teoritis—aya akibat, aya sebab! Sadaya mala sakadar akibat tina hiji sebab. Samodra ngaluap, hujanangin, banjirbandang, malah gunung es di kadua kutub bumi oge ngaleleh—eta sadaya lantaran padamelan manusa anu teu malire kana karahayuan lingkungan kahirupan. Oknum anu teu boga tanggungjawab!

BALADEWA: Krrk-cuah! Oknum jahanam! Saha, Prof?

DURNA: Miturut panalungtikan, eta sadaya akibat padamelan si Antasena anu nuju migawe eksperimen di dasar samodra.

BALADEWA: Krrk-cuah! Laknat si Antasena!

KARNA: Naon maksadna?

DURNA: Lantaran anjeunna Kasal Amarta, pasti gaduh tujuan politis. Demi kajayaan bangsa Pandawa! Anjeuna hoyong janten pangawasa samodra sareng ngaku gelar Sang Hyang Segara Rekayasa.

BALADEWA: Naon? Sang Hyang? Krrk-cuah! Edan! Sinting si Antasena! Apa gelar eta aya dina kitab, Prof?

DURNA: Ah, teu aya! Sadaya pustaka parantos kabaca. Pustaka Universitas Sokalima dugi Universitas Atasangin parantos ditalungtik ku kaula. Kawit dina kitab kuno model Tantu Panggelaran, Kitab Manik Maya, Kitab Paramayoga, Kitab Kanda, Kitab Sudamala, Kitab Nawaruci, Kitab Gatutkacasraya, Mahabarata, Ramayana, dugi kitab anu sanes—teu aya gelar Sang Hyang Segara Rekayasa. Sang Hyang gadungan! Palsu!

DURYUDANA: Lamun kitu, gagalkeun eksperimen si Antasena, tewak sareng adili!

SAKUNI: Upami Amarta nangtayungan?

DURYUDANA: Serbu!

“Saluyu! Saluyu! Saluyu!” + “Ziplah!” + “B-beres!” + “OK!” + “Hidup Kurawa!” + “Hidup! Hidup! Hidup!”

BALADEWA: Krrk-cuah! Cocog!

DURYUDANA: Mangga, Jendral Baladewa—luluguan pasukan multinasional. Sareng Letjen Karna, mangga luluguan pasukan Parakomando Astina.

BALADEWA: Sayagi!

KARNA: Sayagi!

“Pasukan Parakomando Operasi Samudra—sigra tumindak! Lapor: Dursasana, Dursala, Dursata, Durmuka, Durkarna, Duradara, Durwigata, Durmagati, Kartamarma, Kartipeya, Citragada, Citramarma, Citrakandala, Citrayuda, Citraksa, Citraksi, Adityaketu, Bimabahu, Dirgabahu, Dirgalacana, Dirgarama, Dredarata, Drepasastra, Drestahasta, Drepayuda Drepawarman,—siap bergerak!”
“Laksanakeun!”
“Sayagi!”

Pertempuran samodra
Siapsergap Antasena

DASAR SAMUDRA.—Zona teritorial Amarta.

(BLAARR!)
“Krrk-cuah! Ranjo laknat!”
“Awas kapal slam!”
(BLAARR!)

ANTASENA: Hmh, Kurawa—ulah ngimpi bisa ngadobrak-rusak hankam Amarta. Submarine Antaboga karyarekacipta Prof Dr Antaboga handal pisan. Kaula Sang Hyang Segara Rekayasa nuju migaweeksperimentasi di jero Sea-Lab Oceanoculture demi masa depan bangsa. Saha wae ulah asup ka jero Sea-Lab ieu.

Gara-gara
Bumi beuncah
Laut beungkah

TUMARITIS.—Dina dukamala dunya, Panakawan nuju bobodoran.

“Excuse me, I’m Petruk Swayze. Dear Readres—how are you today? Fine? OK, so am I. Hehehe… caritana the keur ngijih yeuh: baseuh, bocor, becek! Ehm… Yun, Ren, Sis—nuju naon? Ngeceng wungkul! Iraha mejeng deui di Matahari? Gantian! Ngampus kek, hehehe… kumaha tuh Wayang Kampus ? Hura-hura wungkul! Ngomongna mah: aktivis! Ngilmiyah kek, hehehe… teu nyeni ah!”
“Omong jeung saha, Dawala?”
“To my fans, of course!”
“Huh, sok ngetop! Sok ngepop!”
“Hehehe… puguh atuh! Eh, si Gareng mana? Bang, si Gareng Mbeling atos digarap acan? Cepet atuh kaburu dianggap! Pan arek show—ulah ngan si Cepot wae anu in action. Bosen!”
“Sentimen sia, Dawala!”
“Kudu! Nah, tuh si Gareng! Ka dieu, Reng! Where’re ye from?”
“Show-biz!” + “Show off!”
“Zow, ngarti? Teu siga sia: ngeceng wungkul. Teu payu-payu!”
“Sangeunahna wae sia! Di ditu aing teh observasi: nalungtik kalakuan budaya konsumerisme demi antisipasi bisnis masadepan. Pan asik!”
“O dasar Cepot Urban!”
“Minggeus! Pak Jun datang!”

ARJUNA: Kang Semar—Laksamana Antasena mesti dipilari. Lami anjeuna teu lapor ka Amarta.
SEMAR: Mangga, Gan.

Arjuna lan Panakawan
Nyusup ka jero leuweung

“E-e-babo-babo… Gog—aya p-panjalajah r-rimba Pringga-dingatala. S-saha, Gog?
“Sst! Jendral Arjuna!”
“E-e-babo-babo… s-serbu!”—(Clap!)—“C-ciaat!”—(Dez! Zplak! Deb! Bugh!)—“Hugk-khoeekh uhuooo… m-modar a-aing, Gog!”—(Bruk!)
“Cakil paeh, Lung!”
“Keun wae, Gog!”
“Grr-babo-babo, keparat! Hareupan kaula Dityakala Badaisegara! Heh, kanca-kanca: Pragalba, Rambut Geni, Padas Gempal, Jurangrawah, Buta Ijo, Buta Terong, Buta Endog—hayu urang koroyok tuh si perwira keparat!”
“C’mon!” + “OK!” + “Move!”
“Satu, dua, tilu! Ciat! Ciat! Ciiaatt!”—(Blaarr!)—“Aduh! Ahk! Khk! Klk!”—(Blug! Blug! Blug!)
“Zuilah! Mampuz zadaya!” + “Benel! Hayu lumpat, Mas!”
(Jleg!)—“Eureun!”
“Zaha zia? O yez! Kenalan—aing Mr George! Yez, Mr Joz!”
“Busyet! Ginding teuing geuning ieu Buta—make nami beken sagala! Silaing kalah, Reng.”
“Em… sia saha, Pelo?”
“Mistel Gabliel! Ayo mantog ah! Ulah ngulusan jalma teu benel!”—(Bugh! Bugh!)—“Adow! Main pelmak deui! Blantem-blantem, tapi spoltif! Ngawul sia mah!”
(Dor-dor!)—“Beres, Gong!”

Buta-buta mala
Pada sirnafana
Gentur tutur
Bangun catur

SEA-LAB OCEANOCULTURE.—Laksamana Antasena anu ajejuluk Sang Hyang Segara Rekayasa gawe geter jagat lantaran panemuan Sistem Hankam Dasar Samodra, sareng Oceanomigration demi ngatasi masalah padatna penduduk masadepan ku ngarekacipta Gedong Pencakar Laut. Eksperimentasi fantastik samodel eta nyebabkeun pro sareng kontra di sakabeh jujuru jagat. Lain gaib-ajaib upami Girinata, Presiden Sorgaloka, turun ka marcapada.

GIRINATA: O Jagat Dewa Batara! Antasena—eureunan eksperimen eta! Ulah miheulaan pangersa! Jeung leupaskeun eta gelar Sang Hyang anu dipake ku andika.

ANTASENA: Punten, teu bisa! Eksperimen sanes saukur sok cendekia. Gelar sanes keur gagah-gagahan! Ieu demi kahirupan.

GIRINATA: Babo-khhk-cuah! Kurang ajar! Apa andika teu melang ku pasukan multisemesta ti Jagat Triloka?

ANTASENA: Punten, Gusti! Teu pisan!

GIRINATA: Jahanam! Tewak!

“Sayagi! Indra, Bayu, Brahma, Wisnu, Surya, Sambu, Kama-jaya, Yamadipati, Temboro, Trembuku—tewak si Antasena!”
“Sayagi! Sayagi! Sayagi! Sayagi!”
(BLAARR!)
“O Jagat Dewa Batara!” + “Mundur! Bayu Mundur!”
“Bergenzong-pada-ndoyong, si Antasena teu bisa ditaklukkeun! Bener-bener gagah megadigdaya mantena! Cilaka! Ieu urusan Ki Semar, Adi Guru!”
“Tuh Ki Semar dongkap!”

SEMAR: Aya naon, Nun? Bakutempur sareng Pa Antasena rupina. Punten, Maha Sang Hyang! Demi pranata alam—Sang Hyang Segara Rekayasa saleresna mah kahirupan ku pangawasana Sang Hyang Wenang. Nah, Pa Antasena—tugas parantos salse! Wenang nyipta, Wenang ngarekayasa, Wenang malire. Sugan teh kitu, Maha Sang Hyang?

“Soal LBH—bapa pakarna!”
“LBH teh naon, Dawala?”
“LBH: Lakon Bangsa Hyang.”

SANG HYANG WENANG: Ki Semar bener! Manggayuh karahar-janing praja, memayu-hayuning bawana.

Petik bunga guna
Intisari merdeka

Semarang, 22 Desember 2007 Ki Harsono Siswocarito

Sang Hyang Mayadewa

2007-12-19T23:15:00.000-08:00

Sri tinon ing pasewakan
Busana manekawarna kebak
Puspiteng udiyana miyang
Hanjrah sarwa rukma …

ASTINA.—Para pamimpin Kurawa nuju ngagelar sidang umum, kangge ngarembag babagan krisis Kurusetra.

DURYUDANA: Dewan sidang anu mulya! Krisis Kurusetra parantos janten krisis dunya anu kedah dirojong sacara global seteuacanna janten Perang Dunya Baratayuda. Kangge kajayaan Kurawa, sidang ieu dibuka. Wilujeng sumping kangge Jendral Baladewa.

BALADEWA: Iyo, nuhun! Huahahaha… punten, kaula telat dongkap. Maklum—sibuk! Loba urusan di jero nagara. Pikeun ngarataan pangwangunan! Huahahaha….

SAKUNI: Hehe… sami! Malah Astina kiwari nuju ngarojong kadamean dunya. Nyegah PD III Baratayuda! Kitu nya, Prof?

DURNA: Leres! Nah, justru eta Kurawa perlu nerapkeun strategi politik mancanagara anu jitu! Menang tanpa perang! Nah, hahaha….

DURYUDANA: Tepat, Prof Dur! Salaku mahaguru pinuh-ilmu canggih-teori loba-pustaka tangtos andika sanggem masihan strategi jitu!

DURNA: Nah, hahaha… tangtu, tangtu! Durna sanes saukur profesor tampang, sanes profesor pangkat, nanging mahapakar sarwa pinter, mahaahli multicanggih!

BALADEWA: Krrk-cuah! Ulah balaga! Buktikeun, Prof!

DURNA: Sae! Saluyu sareng panalungtikan, dasar kakiatan hankam Amarta teh ayana dina kamanunggalan antara Pandawa sareng Panakawan. Nyaeta kamanunggalan antara aparat sareng rakyat! Nah, demi ngabubarambyarkeun eta kakiatan—culik Semar! Sandra! Upami perlu, podaran!

KARNA: Ke heula! Eta teh ngalanggar hak-hak azasi manusa. Kaula teu saluyu!

SAKUNI: Tenang, Bapa Gubernur Awangga! Kabijakan eta aya di Presiden Duryudana, decision-maker.

DURYUDANA: Hmh, saluyu! Kumaha, Jendral Baladewa?

BALADEWA: OK!

DURYUDANA: Sae—Brigjen Dursasana, siapkeun Operasi Panakawan. Sandra Semar!

DURSASANA: Ait! Sayagi! Huaha… e-e-e, permios!

“Haturan ka sadayana! Ieu daftar perwira pinilih kangge Operasi Panakawan: Dursala, Dursata, Durmagati, Durmuka, Durkarma, Durwigata, Duradara, Kartamarma, Kartipeya, Citrayuda, Citra-marma, Citrakandala, Citraksa, Citraksi, Citragada, Drepayuda, Drepawarman, Drepasastra, Dredarata, Ugrasewa, Drestahasta, Adityaketu, Bimabahu, Dirgarama, Dirgabahu, Dirgalacana…!”

“Sayagi! Sayagi! Sayagi! Sayagi!”

Lampah kebat
Siap ngembat

Waspada Gatotkaca
Perwiratama gegana

TAPAL BATAS, AMARTA.—Pesawat tempur Krincingwesi mesat kebat mapak mega jumantara!

“Hmmm… laknat Kurawa! Hareupan heula Angkatan Udara Amarta!"—(Plas! Plas! Plas!)
“Awas bom! Tiarap!”
(Blar! Blar! Blar!)
“Krrk-cuah! Kapal laknat keparat! Kumawani ngajegal pasukan Astina—rasakeun tah!”—(Dreder-der-der…!!!)
“Break, Divisi Jangkarbumi, di dieu Marsekal Gatotkaca butuh bantuan Angkatan Darat Amarta, over!”
“Well, Kolonel Antareja sayagi ngabantu—”
“Kontek Laksamana Antasena!”
“Sayagi!”
(Blar! Blar! Blar!)

BALADEWA: Krrk-cuah! Gawat!

KARNA: Dur, Dir, Cit, Karta… mundur! Mundur!

BALADEWA: Krrk-cuah! Kumaha, Prof?

DURNA: Beurat! Tinimbang ancurlebur, leuwih sae mundur. Ganti taktik diplomatik! Kaula bade nepangan Gubernur Arjuna di Madukara.”

DURSASANA: Sae! Ati-ati, Prof!”

DURNA: Sae, permios!”

Cepatkebat Prof Durna
Tumuju ka Madukara

MADUKARA.—Jendral Arjuna nyambut dongkapna Prof Durna.

ARJUNA: Wilujeng sumping, Prof.

DURNA: Nuhun! Salaku duta Astina ama diutus ku Presiden Duryudana pikeun ngarunding masalah krisis Kurusetra. Kangge nyegah perang Baratayuda, demi kadamean dunya, Astina minta Amarta masrahkeun Semar.

ARJUNA: Kangge naon, Prof?

DURNA: Pikeun dijadikeun sesepuh Astina! Nah, lamun teu ka kabeuratan, geura anteurkeun Semar ka nagara anu baheula, eh… ka Astina.

ARJUNA: Sae! Petuduh rama guru kaula laksanakeun.

DURNA: Nah, hahaha… mangga!

Bumi goncang
Laut goncang

GARA-GARA—Taktiklicik konflik politik karsundut genipati. Tumaritis keuna wabah sarakah babangus kurawus.

Suwe ora jamu, Mas
Jamune godong telo
Suwe ra ketemu Mas
Lho kok malah bodo

“Hobat, Reng—kuno! Teu maju-maju! Seni kudu boga ciri anu mandiri. Kudu khas, lain klise!”
“Penting duit—Anjing!”
“Hobat! Keuna wabah dokuisme, idealisme seni luntur!”
“Kajeun—Bangsat!”
“Minggeus! Ribut wae! Era tuh ku panongton.”
“Sendika dawuh, Yayi Prabu—”
“Minggeus—Anjing! Ulah dadalangan edan kitu!”
“Hihi… keun wae, omongan wayang ngeunaheun euy. Lamun aing dalang!"
“Naon?”
“Arek ganti aran jadi Cepot De Vito—hihihi….”
“Busyet! Sugan the naon?”
“Eh, tempo tuh aya Agan Arjuna!”

ARJUNA: Sampurasun!

SEMAR: Rampes, Jendral Arjuna, mangga ka lebet.

ARJUNA: Nihun. Kang Semar, kaula menta kasayagianana jadi duta kadamean Amarta di Astina. Ayeuna pisan andika kudu mangkat sareng Prof Durna.

DURNA: Leres, Ki Semar!

SEMAR: Sae, mangga—Jang, jaga desa!”

“Beres, Pa!”

Kocap kacarita Durna
Mawa Semar ka Astina

ASTINA.—Dina panjara jero tanah Semar dibui. Sanes janten duta mantenna, nanging katalangsara. Mantenna teu kawasa teu daya teu upaya.

“Aduh, Gusti! naon noda, dosa, cela, atawa mala anu dipidamel ku sim kuring, dugi ngalampahan nasib anu medel kieu?”

Duka daku dikau daki
Dikau duka daku daki

“Hey, Kurawa! Semar leungit ti bui ilang tina panjara!”
“Krrk-cuah! Bangsat! Saha sia?”
“Ulah kaget, Kurawa! Kaula Sang Hyang Mayadewa anu geus ngabebaskeun Ki Semar Badranaya.”
“Dur, Cit, Karta—tewak!”
“Sayagi!
Sayagi! Sayagi!”
(Clap!)—“Ciaat!”—(Jder!)—“Ait! Pfuh!”—(Splak! Bugh!)
“Aduh!”
“Krrk-cuah! Keparat! Hiaatt!”— (Zplak! Dez! Bugh!) —“Heughk!
Hoeekh ooo…!”
“Tenjo tuh, Dur! Jendral Baladewa ditonjok dugi olab muntaber!”
“Krrk-cuah! Lumpat, Cit!”
“Oke deh!”

Kurawa lalumpatan
Kabur paburantakan

Sang Hyang Mayadewa
Kebat tumuju ka Amarta

AMARTA.—Jendral Arjuna menta suaka.

YUDISTIRA: Aya naon, Jendral Arjuna?

ARJUNA: Cilaka! Kaula diudag mahajaksa anu ngaku Sang Hyang Mayadewa.

BIMA: Hmh, naha?

ARJUNA: Kaula parantos ngirim Kakang Semar ka Astina salaku duta kadamean, nanging mantenna murca.

KRESNA: O, pantes!

“Heh, Arjuna! Ulah sambat kaniaya! Najan lumpat ka luar tata jagat pramudita, anjeun moal bisa bebas leupas tina tuntutan Mahajaksa Sang Hyang Mayadewa!”

ARJUNA: Belaan kaula.

KRESNA: Keun akang anu mayunan!

“Babo krrk-cuah! Budak hideung, arek naon anjeun?”

KRESNA: Punten, Mahajaksa—memang Arjuna aya di pihak kadakwa, upami aya bukti kasalahanana. Nanging Amarta teh nagara hukum anu ngajungjung azas praduga tanpa salah. Nah, mangga urang badamikeun di pangadilan.”

“Ulah ngadalih! Arjuna kalibat dina panipuan tanaga kerja, nyalahgunakeun jabatan, ngomplot jeung Kurawa pikeun nyilakakeun Ki Semar Badranaya.”

KRESNA: Sae, kasaksian andika tiasa dijelentrehkeun di pangadilan. Andika tiasa nungtut Jendral Arjuna! Apa andika warga Amarta?”

“Enya! Ieu KTP kaula!”

KRESNA: Eladalah! Kakang Semar?

SEMAR: Leres, Nun! Sang Hyang Mayadewa sakadar nama samaran!”

KRESNA: O!

SEMAR: Uhahahahah… atoslah, Agan Kresna. Kahilafan Jendral Arjuna dihapunten ku sim kuring! Sim kuring bade teras wangsul ka desa Tumaritis. Permios!”

KRESNA: Mangga, Kakang Semar!”

Semarang 20 Desember Ki Harsono Siswocarito

Artikel Lakonet

2007-11-29T23:39:00.001-08:00

Lakonet mengrupi gabungan tembung "lakon" sareng "internet" anu didamel ku Ki Harsono Siswocarito kanggo nami hiji genre lakon wayang anu dipagelarkeun dina media internet. Genre iyeu benten sareng genre sastra anu sanes mangrupi puisi, prosa, atawa drama. Benten dina jenis, eusi, tawa mediana. Jenisna saluyu sareng lakon anu nganggo murwa (puisi), nyandra (prosa), sareng antawacana (drama). Eusi cariosna saluyu sareng carios wayang nanging digarap ngangge gagrak anyar.

Mimitina mantena nganggit lakon wayang mbeling kanggo media cetak. Sanggitana benten sareng sanggitan-sanggitan anu sanes margi mantena nerapken estetika Sastra Padalangan mangrupi murwa, nyandra, antawacana, rumpaka, sareng onomatopia anubiasa dianggo dina komik.

Rembagan

Murwa

Murwa nu aya dina lakonet Ki Harsono Siswocarito marupi gubahan tina suluk "kembang sungsang" wayang golek Sunda, nanging disaluyuken sareng media internet nu dijantenkeun papan pagelarana disebat "kelirbeling" atanapi "layarmaya".

Kembang sungsang cahya kunang
Kadia lintang gilang gumilang
Tembang hyang pangreka dalang
Dadia piwulang wong ngawayang

Nyandra

Sedengkeun nyandrana ditulis model warta koran anu biasa nyebatkeun tempat ngangge huruf ageung, teras narasi prosana ngangge nyandra anu pondok disaluyukeun sareng kabutuhan jejer cariyosna.

MERCUKUNDA, SURALAYA.—Maharaja Tribuwana Sang Hyang Otipati Pramesti Guru Jagatgirinata ya Sang Hyang Manikmaya maharaja diraja jagat pramudita calik dina singgasana Dampar Kencana lemek babut permadani sutra rerenda permata tinaretesing sosoca dipunadep dening para dewa pemuka triloka samiya pada jajar denira pinara.

Antawacana

Antawacana ngangge model dialog drama, nami wayang ditulis ngangge huruf ageung, dipasihan tanda titik dua, teras dilajengkeun caturan. Upami aya katerangan gerak-gerik wayang tiasa ditulis dina jero tanda kurung.

GIRINATA: Kakang Panji Kanekaputra, kunaon mamala triloka teu acan reda? Malah tambah musibah. Batara pada susah, batari pada sedih; lara hapsara parah, nyeri hapsari peurih. Iyeu mesti dipandegani, Kang Narada.

Onomatopia

Onomatopia diangge dina "sabetan" anu ngagambarkeun adegan perang. Ramena ogol begalan pati dipagelarkeun ngangge suara-suara anu ditulis dina jero tanda kurung, sareng omongan-omongan anu ditulis ngangge tanda petik.

RIMBAMALA.—Mintaraga aduyuda sareng bala Manimantaka.
“E-eureun! S-saha s-sia?”
“Dawala, sikat yu!”
“Soklah!”—(Duk! Bugh!) Ambruktakluk (Blug! Gludug!)—“Yeuh rasakeun! Hih!”—(Jplak! Gdubrak!)—“Aaawww!”
“Bah! Keparat! Kaladurga, Kaladurjana, Kaladuraksa, Kaladurmala, Kalastuwila, Kaladaksa, Kaladarba, Kalagarba, Kaladuskerta, Kaladusta, Kaladursila—majuserbu!”
“Reng, embat granat!” + “Okelah!”—(Plas!)
(BLAARR!)

Rumpaka

Rumpaka diangge kangge kakawihan para Panakawan. Cara nulisna sami sareng murwa anu mangrupi puisi. Na lakonet Gitadarma Dr Mintaraga, rumpaka mangrupi petikan lagu "Asmaradana" Sunda. Rumpaka lakonet tiasa oge ngangge lagu-lagu modern anu saluyu sareng cariyosna. Di lebah diyeu kreativitas sanggitan tiasa dikembangkeun sajembarna.

Pungkasan

Mungkas cariyos ngangge Tancep Kayon utawi ngangge Gunungan saparantosna pocapan "Tutup Lawang Sigotaha". Mugi-mugi seratan iyeu tiasa janten wiwitan pangembangan Lakonet anu kapayun. Hatur nuhun. Semarang 5 Nopember 2007. Ki Harsono Siswocarito.

Serat Mahapurwa

2007-11-29T22:26:00.000-08:00

Murwa

Serat Mahapurwa nyarioskeun lalakon Sang Hyang Adama, Sang Hyang Sita, Sang Hyang Nurcahya, Sang Hyang Nurasa, Sang Hyang Wenang, Sang Hyang Tunggal, sareng Sang Hyang Manikmaya. Wawaton seratan iyeu ngarujuk kana Serat Paramayoga garapan Pujangga Ranggawarsita di Surakarta anu ngarujuk Serat Jitapsara garapan Begawan Palasara di Astina sareng ngarujuk Pustaka Darya garapan Sang Hyang Nurcahya di Lokadewa.

Lalakon Sang Hyang Adama

Kocap kacarita Sang Hyang Adama saparantosna diturunkeun ka alam dunya sareng dihampura dosana, ngadeg raja di Kusniamalabari, ngaratuan sato kewan. Daharna tina pamuja. Sang Hyang Adama nyiptaken taun surya sareng taun candra, teras nyipta Tanajultarki kangge miwitan pepelakan na taun 129 SA atawa taun 133 CA. Teu lami bojona Sang Hyang Adama nyaeta Dewi Hawa babaran kembar dampit putra-putri. Kembar dampit kahiji rupana awon, kadua sae, katilu awon, kaopat sae, kalima awon, kitu saterasna dugi opat puluh dua kali, nanging anu kagenep sareng ka opat puluh hiji teu dampit.

Saparantosna gaduh putra lima dampit, Sang Hyang Adama bade ngajodokeun putra-putrina. Putra anu gagah dijodokeun sareng putri anu awon. Putri anu geulis dijodokeun sareng putra anu awon. Jadi teu dijodokeun saluyu sareng dampitanna.

Ari pangersana Dewi Hawa, putra-putrina dijodokeun saluyu sareng dampitanna, anu gagah dijodokeun sareng anu geulis, anu awon sareng anu awon. Jojodoan iyeu jadi pasulaya antara Sang Hyang Adama sareng Dewi Hawa. Pasulayana ngantos rebutan kawasa ngaluarkeun rahsa anu diwadahan ku cupumanik sareng dipujakeun ka Gustina.

Saparantosna dugi kana wancina, cupumanik dibuka. Rahsa pamuja dina cupumanik Sang Hyang Adama janten babayi nanging ngan raragana wungkul; sedengkeun rahsa pamuja dina cupumanik Dewi Hawa ngawujud getih. Dewi Hawa ngarasa nalangsa ku kaayaan eta.

Jabang bayi anu aya dina cupumanik Sang Hyang Adama kena ku dihim pinasti janten jabang bayi anu sampurna kacaangan ku cahya nurbuat sareng aya sasmita ti Gusti nami eta jabang bayi teh Sang Hyang Sita. Mantenna suka bungah anu teu aya papadana.

Teu lami aya gara-gara, cupumanik Sang Hyang Adama katiup angin puyuh lilimbungan tumiba kana teleng sagara hideung. Cupumanik kacekel ku Danyang Azazil, ratu banujan anu ngawasa sagara hideung.

Ahirna Dewi Hawa manut kana aturan jojodoan Sang Hyang Adama. Sadaya putra-putrina lobana opat puluh dampit, sareng aya anu dua anu teu dampit nyaeta Sang Hyang Sita sareng Dewi Hunun.

Putra-putri Sang Hyang Adama nyaeta

Sang Hyang Kabila, Dewi Alima, Sang Hyang Habila, Dewi Damima, Sang Hyang Isrila, Dewi Sarira, Sang Hyang Israwana, Dewi Mona, Sang Hyang Basaradiwana, Dewi Dayuna, Sang Hyang Sita, Sang Hyang Yasita, Dewi Awisa, Sang Hyang Sesana, Dewi Aisa, Sang Hyang Yasmiyana, Dewi Ramsa, Sang Hyang Yanmiyana, Dewi Yarusa, Sang Hyang Suryana, Dewi Siriya, Sang Hyang Amana, Dewi Mahasa, Sang Hyang Kayumarata, Dewi Hindunmaras, Sang Hyang Yajuja, Dewi Majuja, Sang Hyang Lata, Dewi Uzza, Sang Hyang Harata, Dewi Haruti, Sang Hyang Danaba, Dewi Daniba, Sang Hyang Bantasa, Dewi Bintisa, Sang Hyang Somala, Dewi Susia, Sang Hyang Jamaruta dampitanna Dewi Malki, Sang Hyang Tamakala, Dewi Tamakali, Sang Hyang Adana, Dewi Adini, Sang Hyang Harnala, Dewi Harnila, Sang Hyang Samala, Dewi Samila, Sang Hyang Awala, Dewi Awila, Sang Hyang Astala, Dewi Astila, Sang Hyang Nurala, Dewi Nureli, Sang Hyang Nuhkala, Dewi Nuhkali, Sang Hyang Nuskala, Dewi Arki, Sang Hyang Sarkala, Dewi Sarki, Sang Hyang Karala, Dewi Karia, Sang Hyang Dujala, Dewi Dujila, Sang Hyang Katala, Dewi Katili, Sang Hyang Arkala, Dewi Arkali, Sang Hyang Mrihakala, Dewi Mrihakali, Sang Hyang Ardabala, Dewi Ardiati, Sang Hyang Sanala, Dewi Peni, Sang Hyang Pujala, Dewi Puji, Sang Hyang Sasala, Dewi Sasi, Sang Hyang Sahnala, Dewi Sani, Dewi Hunun, Sang Hyang Sahalanala, sareng Dewi Sahini

Nanging Sang Hyang Kabila, Dewi Alima, Sang Hyang Basaradiwana, Dewi Dayuna, Sang Hyang Lata, Dewi Uzza, teu manut kana aturan jojodoan Sang Hyang Adama. Sang Hyang Kabila teu saluyu, sareng hoyong dijodokeun ka jodo rayina nyaeta Sang Hyang Habila. Pasulaya rebutan jodo eta dugi ka rebutan pati. Sang Hyang Habila dipaehan ku Sang Hyang Kabila. Saparantosna rayina maot, Sang Hyang Kabila ngahuleng liyeur mikiran kumaha carana ngubur eta layon rayina. Teras aya manuk gaok totoker dina taneuh. Sang Hyang Kabila nurutan manuk gaok ngadamel liang lahat.

Sang Hyang Kabila sareng bojona Dewi Alima jeung Dewi Damima ditundung ku Sang Hyang Adama, teras ngalalana dugi ka tanah Afrika, disarengan ku rayina Sang Hyang Basaradiwana, sareng Dewi Dayuna. Kitu oge Sang Hyang Yajuja sareng dampitanna Dewi Majuja nyusul Sang Hyang Kabila ka tanah Afrika. Sedengkeun Sang Hyang Lata Sareng Dewi Uzza ngalalana ka tanah Asia.

Saterasna Sang Hyang Adama ngaratuan sato-kewan sareng anak-turunanna.

Lalakon Sang Hyang Sita

Saparantosna dewasa Sang Hyang Sita dipasihan jodo bidadari ku Gusti. Nami bojona Dewi Mulat. Rumahtanggana silih asah silih asih silih asuh.

Kocap kacarita, Danyang Azazil ratu banujan di Sagara Hideung hoyong ngajodokeun putrina anu namina Dayang Dalajah ka turunan Sang Hyang Adama sangkan bisa ngaratuan bangsa manusa. Danyang Azazil ngaboyong putrina ka Kusniamalabari. Kusaktina Danyang Azazil, putrina malih rupa janten Dewi Mulat. Sedengkeun Dewi Mulat anu asli kasarung leungit tanpa lebih ilang tanpa karana disumputkeu ku Danyang Azazil.

Kasurung ku gandrung kasorang ku cinta, Sang Hyang Sita saresmi sareng Dewi Mulat mamalihan. Kama manjing ing kenyapuri Dayang Dalajah kena ku dihim pinasti, cabar tina mamalihanana lajeng mulang ka Sagara Hideung sareng ramana Danyang Azazil. Dewi Mulat anu asli parantos katingali deui, sare sareng Sang Hyang Sita.

Dewi Mulat ngandung jabang bayi. Dina wancina ngalahirkeun, wayah janari Dewi Mulat babaran kembar, anu kahiji mangrupi bayi lalaki, anu kadua mangrupa cahaya. Wanci sarepna dina poe anu sami, Dayang Dalajah oge ngalahirkeun wujudna rahsa, lajeng dibawa ka Kusniamalabari Ku Danyang Azazil.

Rahsa sareng Cahaya gumulung ngahiji jadi bayi lalaki anu kalimputan ku cahaya gilang gumilang teu tiasa digarayang.

Eyangna, Sang Hyang Adama masihan aran ka eta bayi kembar. Anu kahiji namina Sang Hyang Nara, anu kadua Sang Hyang Nara, margi kalimputan cahaya katelah Sang Hyang Nurcahya.

Saparantosna dewasa, Sang Hyang Nasa suka kana elmu agama anu diwedar ku eyangna Sang Hyang Adama. Sedengkeun Sang Hyang Nurcahya suka tatapa di leuweung luwang-liwung, di pucuk-pucuk gunung, atawa dina jero-jero guha.

Sang Hyang Nurcahya suka ngalalana ngalanglang buana, teras papendak sareng Danyang Azazil anu malih rupa janten maharesi anu sakti mandraguna pasagi ku pangarti pinuh ku elmu jembar ku pangabisa. Sang Hyang Nurcahya guguru ka Danyang Azazil, diwuruk diwulang olah kanuragan, kasakten, elmu panemu jampe pamake, kawedukan, kabedasan. Sang Hyang Nurcahya teu tutung ku api teu baseh ku cai teu teurak ku badama, bisa mancala putra mancala putri, bisa ngaleungit tanpa lebih ilang tanpa karana, bisa ngagegana mapak mega jumantara, bisa ambles bumi neuleuman sagara.

Saparantosna tamat guguruna, Sang Hyang Nurcahya mulang ka Kusniamalabari. Sang Hyang Adama kaget ngaweruhan kaayaan incuna. Sang Hyang Nurcahya benten pisang sareng kembaranna Sang Hyang Nasa. Nanging Sang Hyang Adama teu kasamaran yen eta sadaya lantaran Danyang Azazil.

Sang Hyang Adama ngadawuhan putrana Sang Hyang Sita ngabaran yen Sang Hyang Nurcahya isukan bakal mukir tina agama Sang Hyang Adama lantaran nganut ajaran Danyang Azazil. Sang Hyang Sita ngahuleung ngaraga meneng, kaduhung ku kalakuan Sang Hyang Nurcahya.

Dina umur 990 tahun Sang Hyang Adama tilar dunya. Sadaya elmuna diwariskeun ka Sang Hyang Sita; sedengkeun kakawasaanna diwariskenana ka Sang Hyang Kayumarata, putrana anu ka tilu belas. Pambagian eta dumasar kana kaunggulan putra-putrana. Sang Hyang Sita janten pangawasa babagan rohani; sedengkeun Sang Hyang Kayumaratan janten pangawasa babagan jasmani.

Lalakon Sang Hyang Nurcahya

Maotna eyang Sang Hyang Adama janten memengen incunna nyaeta Sang Hyang Nurcahya. Anjeuna ngaraos kaduhung margi Sang Hyang Adama kena lara pati. Upami anjeunna masih netepan elmuna Sang Hyang Adama, pinasti anjeunna bakal kena ku lara pati. Teras Sang Hyang Nurcahya nilar Kusniamalabari bade milari elmu anu hanteu kena ku lara pati sangkan hirupna mulus rahayu lestari abadi.

Sang Hyang Nurcahya ngalalana dugi ka luar batas nagari Kusniamalabari. Di tepis miring anu tumuju ka leuweung liwang-liwung, Sang Hyang Nurcahya papendak sareng Danyang Azazil. Anjeunna dibantun ka talatah Awinda nyaeta wewengkonna para siluman, anu kacida wingitna, poek-mongkleng, sareng tiis-tingtrim, ayanna di puser bumi belah kaler, anu teu kaambah ku cahaya panon poe. Di dinya ayana Tirtamarta Kamandalu, nyaeta cai kahuripan anu kaluar tina mustika mega.

Sang Hyang Nurcahya sareng Danyang Azazil muja ka Gusti sangkan dipasihan Tirtamarta Kamandalu. Lajeng aya mega lalambakan mocoran cai kahuripan tina Sagara Rahmat. Sang Hyang Nurcahya disuruh mandi sareng nginum Tirtamarta Kamandalu. Sang Hyang Nurcahya hoyong ngawadahan eta cai kahuripan nanging teu mawa wadah. Danyang Azazil masihan wadah namina Cupumanik Astagina anu saleresna kagungan Sang Hyang Adama waktu katiup angin puyuh liliwungan lagrag dina teleng Sagara Hideung wewengkonna Danyang Azazil. Cupumanik Astagina gaduh kasaktian sadaya anu diwadahan ku eta cupu moal bakal seep.

Lajeng Sang Hyang Nurcahya kaluar ti talatah Awinda, sareng Danyang Azazil leungit tanpa lebih ilang tanpa karana. Sang Hyang Nurcahya neraskeun lalampahanna sorangan. Di hiji talatah anjeunna mendak hiji tatangkalan anu akarna tiasa ngalantaran hurip kajati mulang ka asal kebo mulih makandangan, sumber kahirupanna alam dunya, anu katelah Lata Maosadi.

Wancina Sang Hyang Nurcahya bade mulang ka Kusniamalabari bingung kasarung teu emut kamana jalanna. Anjeunna kalunta-lunta ngalalana ngambah jurang jungkrang, gunung nangtung, leuleuweungan.

Dina hiji poe anjeunna anjog ka sisi sagara, sareng ningali aya dua mahluk nangtung di luhur sagara. Sang Hyang Nurcahya nampak sancang leumpang di luhur cai nyaketan eta mahluk. Anu kahiji namina Danyang Haruta, anu kadua Danyang Maruta. Baheulana mah eta mahluk teh namina Sang Hyang Isyana sareng Sang Hyang Isaya anu meunang bebendu ti Gusti katulah janten banujan nyaeta bangsa jin.

Danyang Haruta sareng Danyang Maruta ngawuruk kaweruh Sang Hyang Nurcahya babagan lumakuna bumi, panon poe, bulan, bentang, anu katelah elmu palakiah, sareng elmu hikmah.

Sang Hyang Nurcahya nyarita yen anjena hoyong terang sorga. Danyang Haruta sareng Danyang Maruta ngadongeng yen soga eta ayana dina hulu walungan anu pang ageungna di talatah Afrika. Sang Hyang Nurcahya percanten ka eta dongeng lajeng ngalalana milarian sorga nutuykeun eta walungan.

Sang Hyang Nurcahya papendak sareng paman jeung bibina, nyaeta putra-putri Sang Hyang Adama anu ka lima belas namina Sang Hyang Lata sareng Dewi Uzza nuju tatapa di sisi eta walungan. Sang Hyang Nurcahya nyarita yen anjeunna putrana Sang Hyang Sita. Sang Hyang Lata sareng Dewi Uzza nampi kadatangan Sang Hyang Nurcahya, lajeng diwuruk elmu kaweruh sadurung winarah sadaya lalakon anu parantos atawa bakal kasorang.

Lajeng Sang Hyang Nurcahya neraskeun milarian sorga dugi ka talaga Jambirilahiri di hulu walungan anu ayana di pucuk Gunung Kaspia. Sang Hyang Nurcahya ngahuleng ngaraga mineng kaduhung ku bingung margina teu mendakan ayana sorga.

Aya sora tina jero kawah Gunung Kaspia anu api sareng latuna pating kolenyay murub-mubyar, ngaku-aku yen mantena eta Gusti Amurba Bumi anu kagungan sora sareng naraka. Eta sora teh dadamelan Danyang Azazil anu malih warna. Sang Hyang Nurcahya mesat ka jumantara ngadep Gusti Amurba Bumi nyuhun diweruhan ayana sorga. Sang Hyang Nurcahya lebet kana sosoca anu katelah Ratnadumilah, ningali kaendahan sadaya eusi sogra.

Saparantosna kaluar tina jero sosoca, Danyang Azazil anu malih warni jadi Gusti Amurba Bumi masihkeun Ratnadumilah ka Sang Hyang Nurcahya. Kasaktian eta sosoca teh sadaya anu dipikacipta aya, anu dipikahayang datang, teu keuna ku tunduh, teu keuna ku laralapa. Lajeng Sang Hyang Nurcahya diwuruk elmu pangiwa panitisan, manjing suruping pati, lampahna cakramanggilingan.

Sang Hyang Nurcahya teu hayang mulang ka Kusniamalabari. Danyang Azazil nuduhan hiji talatah anu tiasa didunungan ku Sang Hyang Nurcahya anu katelah Lokadewa. Lajeng Sang Hyang Nurcahya angkat ka eta tempat.

Di Lokadewa, Sang Hyang Nurcahya neraskeun tapana di pucuk gunung nutuykeun lampahna panon poe. Wayah janari nyanghareup ka wetan, tengah poe nyanghareup ka luhur, wayah sareupna nyanghareup ka kulon. Lamina eta tatapa tujuh taun, dugi anjeuna ngaraga sukma lebet kana alam Sunyaruri awang-uwung, nyaeta alam Banujan. Sang Hyang Nurcahya dumunung di eta alam lamina sarebu taun.

Kocap kacarita aya hiji ratu banujan anu ngadanyangan Lokadewa namina Danyang Maladewa, putrana Danyang Harataketu. Anjeuna nuju ngider bumi ningali aya cahaya murub-mubyar sanes surya gilang gumilang sanes bentang kadia sosoca sanes candra, nanging cahaya sukma trahna Sang Hyang Adama.

Danyang Maladewa bade nyepeng eta cahaya nanging teu tiasa. Lajeng janten bandayuda ogol begalan pati sareng eta cahaya sukma anu ngaku-aku Amurbamisesa Alam. Danyang Maladewa kalah taluk ka Sang Hyang Nurcahya, anu saterasna ngadeg ratu di Lokadewa sareng migarwa putrina Danyang Maladewa anu katelah Dewi Mahamuni. Sadaya kulawarga sareng wadiabala Danyang Maladewa sami ngadep taluk hamarikelu ka Sang Hyang Nurcahya anu kasebat Dewata nyaeta guru linuhung Lokadewa. Eta wiwitanna para dewa disebat Sang Hyang magi julukan anu diagem ku Sang Hyang Nurcahya.

Kocap kacarita Sang Hyang Nurcahya julukanana Sang Hyang Dewata, Sang Hyang Dewapamungkas, Sang Hyang Atmadewa, Sang Hyang Sukmakawekas, Sang Hyang Amurbengrat, Sang Hyang Manon, Sang Hyang Permana, Sang Hyang Permata, Sang Hyang Mahawidi, Sang Hyang Mahasidi, Sang Hyang Mahamulia, Sang Hyang Kahanantunggal, Sang Hyang Jagatmurtitaya, eta putrana Sang Hyang Sita, incuna Sang Hyang Adama.

Sang Hyang Nurcahya gaduh putra tunggal ti garwana Dewi Mahamuni, anu namina Sang Hyang Nurasa margi kacipta tina aworna cahaya sareng rahsa anu disiram Tirtamarta Kamandalu.

Lalakon Sang Hyang Nurasa

Saparatosna Sang Hyang Nurasa dewasa, lajeng Sang Hyang Nurcahya ngawariskeun karaton ka putrana sareng masihan Cupumanik Astagina, Lata Maosadi, sareng Ratnadumilah. Sang Hyang Nurcahya lajeng nyipta Pustaka Darya, nyaeta seratan dina emutan, mantra tanpa sora, sora tanpa sastra, anu nyaritakeun lalampahan anjeunna. Pustaka Darya oge dipasihkeun ka Sang Hyang Nurasa.

Artikel Padalangan

2007-11-29T22:20:00.000-08:00

Sastra padalangan mangrupi rekabasa sastra anu diangge para dalang dina pagelaran wayang. Jenis sastra padalangan biasa dibagi janten tujuh, nyaeta murwa, nyandra, antawacana, rumpaka, sora, sareng carita.

Murwa

Murwa mangrupi suluk bubuka pagelaran anu dilagukeun ku ki dalang dina miwitan caritana. Murwa kasup salah sahiji jenis puisi padalangan. Jenis lainna sendon sareng gregetsaut. Di handap hiji conto murwa anu dicatet ti dalang Dédé Amung Sutarya dina lakon Jaya Renyuan:

Adam adam babuh lawan
Ingkang ngagelaraken cahya nur cahya
Dangiang wayang wayanganipun
Perlambang alam sadaya
Semar sana ya danar guling
Basa sem pangangen-angen
Mareng ngemaraken Dzat Kang Maha Tunggal
Wayang agung wineja wayang tunggal
Wayang tunggal

Nyandra

Nyandra hartosna paparan carita anu mangrupi janturan sareng pocapan. Janturan basa prosa dalang kangge caritakeun jejer atawi adegan hiji nagara, kaayan panggonan, watak wayang, sareng perkawis anu dirembag ngangge iringan gamelan. Pocapan mirip sareng janturan nanging teu ngangge iringan gamelan, saukur ngangge iringan dodogan cempala. Di handap conto nyandra adegan nagara Dwarawati anu dicatet tina nyandra dalang Dede Amung Sutarya:

Suh rep data pitana! anenggih wau kocapa negara ing pundi ingkang kaeka adi dasa nama purwa, eka sawiji adi linuwih dasa sapuluh nama iku panjenengan purwa nami wiwitan. Sandyan katah titahing dewa kasongan ing akasa, sinangga ing pertiwi, kaideng ing samudra, tebih ing parang muka, dasar negara Dwarawati silokane jero tancebe, jembar laladane, gede obore, duwur kukuse, padang jagate, adoh kakoncarane. Sigeg ingkang murweng kawi paparab kang dadi nalendra, inggih kang ngarenggani pura, jejeneng Sri Maha Batara Kresna ya Prabu Jenggalamanik, Prabu Harimurti, Prabu Padmanaba, Prabu Basudewaputra, saweg dipunadep dening ingkang rayi Arya Setiyaki lan ingkang raka Patih Udawa. Sreg tumeluk kaya kuncim pertala mukanipun sarta kadiya tata malih krama paningalipun admanegara lan Udawa saking ajrih dateng pangkonan. Samya prapta ngabiyantara, jajar denira pinara.

Sarengsena nyandra biasana dilajengken kana suluk anu disaluyukeun sareng nyandrana. Upami bade mungkas nyandra biasana dalang ngangge suluk sapertos di handap:

Saur nira tandana panjang
Sinenggih sabda ya uninga lawan
Sabda ya uninga lawan
Saur nira tandana panjang sinengih
Sabda uninga wis mama
Ulun layu dening sekti ala bakti dening asih
Ya ding asih
Wong asih ora katara

Dilajengkeun kana suluk sapertos:

Betet ijo Kepodang ulese kuning
Abang manuke wulung kadya wowor
Sandang rawit puter gemeke ya lurilurik
Dadanira kinuwungan ya kinuwungan
Kadya bocah ngangge kakalung
Ningsor Waringin wulung

Teras dipungkas ku suluk:

Sri tinon ing pasewakan
Busana manekawarna
Murub mubyar cahayanira
Kadya kunang-kunangan
Sri tinon ing pasewakan
Busana manekawarna
Murub mubyar socanira
Kadya parada tinabur
Kadya kunang-kunangan
Sekar wijaya kusuma lawan

Pocapan

Sarengsena suluk, dilajengkeun kana pocapan anu patali sareng antawacana. Pocapan iyeu kangge nganteur kana caturan wayang. Contona:

Sri Maha Betara Kresna ngandika kedaling lisan sungkan pangaribawa watek wantos raja wis gelar batara.

Antawacana

Antawacana, nyaeta caturan wayang dina adegan. Antawacana sami sareng dialog dina drama, bentena dialog drama diucapkeun ku lobaan, sedengkeun antawacana dicaturkeun ku sorangan. Dina antawacana dalang kedah tiasa ngolah wanda sorana sangkan benten dina caturan wayang-wayangna. Bentenna wanda sora ngan aya dina basa lesan; sedengkeun dina basa tulis dibentenkeun ku jeneng wayang sareng logat tulisanna.
Di handap conto antawacana anu dicatet ti dalang Dede Amung Sutarya.

Kresna: Eladalah, Yayi, Yayi Setiaki.
Setiaki: Kaula nun.
Kresna: Kakang Patih Udawa.
Udawa: Lo, lo, lo, Hahahah… pun kakang Patih Udawa.
Kresna: Marajeng ka payun calikna.

Rumpaka

Rumpaka mangrupi kakawihan anu biasa dihaleuangkeun ku juru kawih sareng ku alok. Nanging rumpaka aya oge anu kalebet rumpaka dalang nyaeta, kakawihan anu diangge dina bodoran. Panakawan biasa sempal kapiguyon sareng kakawihan.

Kakawihan anu biasa diangge dina bodoran loba jenisna, wiwit tina kakawihan klasik dugi kana lagu-lagu modern. Conto rumpaka dihandap, "Lagu Nu Ngusep" dikawihkeun ku si Cepot dina lakon Jaya Renyuan garapan Dede Amung Sutarya:

Barung herang liar mijah
Clom kiriwil ari anclom ngagiriwil
Mawa epan rupa-rupa
Clom kurunyud lamun anclom sok ngurunyud
Plung kecemplung plung kecemplung
Empan teuleum kukumbul ambul-ambulan
Kenur manteng jeujeur jeceng
Leungeun lempeng panon mah naksir nu mandi
Kop tah lauk mere dahareun
Mangga mangga mangga geura tuang
Geura raos ditanggung deudeuieun
Mangga mangga ulah isin-isin
Empan cangkilu ungkul dilangkung
Empan papatong kalah dipelong
Ku epan colek kalah ngadelek
Lekcom lekcom panon belek nyambel oncom

Sora

Saliyan ti murwa, nyandra, antawacana, sareng rumpaka, sastra padalangan oge ngangge sora anu nyarengan sabetan dina adegan bandayuda ogol begalan pati. Sora bisa mangrupi aukan, aduhan, lalaran sareng onomatopia. Sora dina bandayuda pagelaran wayang jadi leuwih rame lantaran diiringan kugamelan anu saluyu sareng adeganna. Sedengkeun sora dina basa tulis tiasa ngangge teknik tatatulis komik. Conto sora basa tulis di handap dicatet tina Lakonet garapan Ki Harsono Siswocarito:

“Khhk-cuah! Buta edan!”—(Clap!)—“Ciiaatt!”—(Jder!) Adujotos bedas!
(Bet!)—“Hih!”—(Dez! Dig! Bugh!)—“Hegkh!”—(Bruk!)
“Ayo montekar, Dewa!” + “D-du-uh… tob-ba-at….” Didupak galak! (Brak!)—“Aakkhh!”
“Ayo maju, Dewa!” + “Wani ka Brama?” + “Brama? O, iyeu jago Deksinapati: Dewa api kok kakubeku? Ayo maju! Heaah!”—(Clap!) Serbutinju (Bugh!) sepakporak
(Blak!)—“Rasakeun dewa—heaah!”—(Blar!) tamparmemar! “Tobaatt!”

Carita

Carita Sastra Padalangan tiasa dihimpun kana carita pakem, gubahan, sareng carangan. Carita pakem nyaeta carita anu saluyu sareng kitab-kitab pawayangan sapertos Mahabarata, Ramayana, Pustaka Rajapurwa, sareng lainna. Carita gubahan nyaeta carita anu parantos direkacipta saluyu sareng jamanna. Sedengkeun carita carangan mangrupi carita gagrag anyar anu sanggitanna saluyu sareng sastra padalangan gagrag anyar.

Tangtos sastra padalangan leuwih maneka warna. Di Tatar Sunda aya padalangan gaya Bandung, gaya Bogor, sareng gaya Cirebon. Di DKI aya gaya Betawi. Di Jawa Tengah aya gaya Surakarta, gaya Yogyakarta, sareng gaya Banyumas. Di Jawa Timur aya gaya Jawi Wetanan. Di luar Jawa, aya gaya Bali, gaya Banjar di Kalimantan, gaya Sasak di Nusa Tengara. Sadayana eta janten buktos kabinekaan sastra padalangan Indonesia.

Prof Dr Bima Tanayatatwa

2007-11-29T01:39:00.001-08:00

Anjrah kang puspita rum
Kasliring samirana mrih
Sekar mekar manekawarna
Maweh bebungahing driya

ASTINA.—Rektor Universitas Negeri Sokalima Prof Dr Durna, Dirjen Dikti Prof Dr Krepa, lan Mendikbud Prof Dr Bisma pada ngadep Presiden Duryudana.

KREPA: Anu mulya didama-dama Bapak Presiden Duryudana, Bapak Mendikbud Prof Dr Bisma anu diajeng-ajeng, Bapak Rektor UNS Prof Dr Durna anu dipikadedeuh, sareng para bala Kurawa anu dipikanyaah ku kaula—sungeng enjing! Dina kasempatan iyeu kaula sadayana ngahaja ngadep Bapak Presiden bade ngahaturkeun wartos kaayaan Perguruan Tinggi Swasta Mandiri, Universitas Bayupitu, di Kurusetra, anu rektorna Prof Dr Bima Tanayatatwa. PTSM janten saingan anu beurat pisan kangge PTN Astina. Kitu sanes, Prof?

DURNA: Leres! Malah leuwih beurat ti eta, PTSM janten rurujit kana stabilitas nasional Astina lantaran parantos ngajantenkeun kampus kangge ajang bisnis sareng politik praktis.

BISMA: Hmh! Teu etis kampus janten ajang bisnis. Tiyasa pelik upama kampus janten ajang politik.

DURYUDANA: Sabahaya eta, Prof Dur?

SAKUNI: Prof Dur! Prof Dur! Ngalamun! Gaji naek masih nguyung-ngungkung, paitpikir, suntrutjaketut wae. Hehehe… aya masalah pribados nya, Prof?

DURNA: Ah, Pak Kun aya-aya wae. Durna parantos bebersih hate tina kapentingan pribados utanapi kulawargi pikeun nagara. Lain keur gaji! Hirup Durna didarmabaktiakeun pikeun kamajengan pendidikan. Hasilna teu kapiran—Sokalima tiyasa nyetak kopral dugi jendral, katua RT dugi direktur PT, komo deui pejabat, birokrat, teknokrat, sareng konglomerat. Nanging, tobat pisan! Naha perlu PTN elite Astina mikahancur mundur? No way ! Leuwih sae PTSM eta ! Babaya!

KARNA: Punten, Pak! Pendidikan eta hak azasi menusa. Komo deui, Universitas Bayupitu ayana di wewengkon Amarta.

BALADEWA: Heh, Karna! Karna! Ulah crewet! Sia jadi gubernur ku Bapak Pres Dur! Jadi pejabat ku pamajikan! Naek pangkat ku katebelece mitoha! Erek loba polah sia! Krrk-cuah! Teu eling purwadaksina sia!

SAKUNI: Hehehe… Astina teu ngaku kana kadaulatan Amarta. Kapentingan Kurawa leuwih utama! Pak Karna kedah mafhum.

DURNA: Nah, hahaha… persis! Lajeng, kagorengan PTSM atos ngalahirkeun jenis profesor slebor, lektor door to door, asisten impoten, ilmuwan asongan, margi paitpailit sepi duit tebih doku. Lantaran teu aya deui bonus panitia, uang jaga, sareng duit koreksi ujian nagara; teu aya deui duit-oli akreditasi! Nah, hahaha… kitu nya, Prof Krepa?

KREPA: Muhun! Sanaos credit point loba, credit coin sok butuh wae.

DURYUDANA: Sae! Tutup Bayupitu! Bubarkeun! Upama perlu hancurkeun!

DURNA: Nah, hahaha… acc!

DURYUDANA: Kapten Karta, kontek Angkatan Perang Astina!

KARTAMARMA: Sayagi!

“Divisi Banjarjumut, Divisi Banyutunalang, Divisi Banakeling, Divisi Ujunglautan, Divisi Awangga, Divisi Mandraka, Divisi Mandura—sigra tumindak!”
“Laksanakeun!”

Rap sigrap sang Dursasana
Panglima wagyabala Astina!
Kurawa ngagempur kampus
Mahasiswa didamel mampus

UNIVERSITAS BAYUPITU, AMARTA.—Rektor Prof Dr Bima Tanayatatwa ngadawuhan Prof Bayu Kanetra pakar pithe-coidology, Prof Bayu Maningrat pakar deusoidology, Prof Bayu Pulasia pakar gigantoidology, Prof Bayu Estibanda pakar monsteroidology, Prof Bayu Maruta pakar austroculture, Prof Bayu Baruna pakar oceanoculture, sareng Prof Bayu Maenaka pakar neoculture.

BIMA: Para Profesor sing dakurmati! Apa para sedulur kabeh padha kuciwa karo tumindake bala Kurawa?

KANETRA: Tangtos! Nanging dianggap banyolan we. Toh tiyasa ngabela diri.

PULASIA: Huahaha… bener! Gempuran eta teu aya hartosna kangge biomacrobot karyarekayasa kaula.

ESTIBANDA: Uge kangge monsterobot ka payun tiyasa ngabedahbubrah eta mamala.

MANINGRAT: Dasar Kurawa! Wayang mbeling model kitu kumawani gumasep. Ngagaya! Khhkcuah!

MARUTA: Perlu dihajar, Prof! Amih nyaho!

BARUNA: Bener! Naha ari elmu panemu teh ngan aya di Universitas Negeri Sokalima wungkul, teknologi ngan aya di Universitas Talkanda? Umaing rasa aing! Gumagus!

BIMA: Iyo! Tumindake militer Astina perlu dibales. Siapke balayuda biomacrobot lan monsterobot kanggo ngajurmumur balamala Astina.

PULASIA: Sayagi!

ESTIBANDA: OK!

“Divisi Gigantoid, Divisi Monsteroid, lan Divisi Pithecoid—sigra lumampah!”
“Bral!”

Para tamtama pada tumindak
Pinuh daya tembaktinumbak

Huru-hara
Gara-gara

TUMARITIS, DESA DADAPAN.—Panakawan pada bobodoran.

“Helo, Frens—ahihi… ogut Bagong! Okap kokab? Sip! Rin, Nur—gimokan yudisium? Hebring-hebring so pasti! Ahihi… mane sih ba’ang Petruk? Sokin dong!”
“Hehe… mudik ngurban ya, Dawala? Make mrokem sagala! Neka-neka! Biasana nyebut kang, malah njangkar, ayeuna ba’ang.”
“Naha geuning nepsong?”
“Lain ambek! Make basa Sunda teh anu hade jeung bener. Lamun erek make basa Inggris oge anu hade jeung bener.”
“Prex! Sok ahli! Sok linguis! Naha ogut jalmi kursusan. Nyaho dewek teh teu katam es-de make diguruan. Cuih! Kajeun salah asal endah. Nyieun kasebeleun wae!”
“Hehehe… Dawala, ulah ti popolotot kitu atuh, engke copot tah mata sia.”
“Kajeun!”
“Maneh nyaho, Dawala? Sugih teknik kekere kritik eta lain seni anu alus. Seratan beunghar gaya teuaya idea sanes sastra.”
(Duuut!)
“Phuah! Hitut!”

Yu yus tu bi mai parti dol
Bat now yu sey de parti’s oper

“Si Gareng deui sok ngerock, teu paseh wae make ngoceh.”
“Huaha… Yeah! K’yu.”
“Menggeus—de bokaps kams!”

SEMAR: Mangga pada milari Pak Bima. Kamana atuh angkatna anjeunna, Pak Jun?

ARJUNA: Teu apal, Pak Semar.

Panakawan sareng Arjuna
Ngambah margasopana

Raksasabala kagiri-giri
Malasatru sang paraguru

RIMBA PRINGGACALA.—Di tengah leuweung gung liwang-liwung tur gawat kaliwat-liwat Jendral Arjuna sareng Panakawan pada ogol begalan pati ngalawan para danawa.

“D-deuleu ituh, Lung! A-aya m-mangsa, h-hayu d-dibom, Gog!”
“Ko’e! Eh, sst! Awas eta teh gajah Pandawa.”
(Jleg!)—“Eureun!”
“Hmh, maneh saha?”
“Heh, m-masa s-sia t-teu a-apal k-ka tokoh sa-s-sabeken Cakil? A-aja bacut!—(Dor!)—“Aakkhh… m-mati a-aing, Gooog!”
“Hah, Cakil ko’it! Bodat! Lalaki geulis wani gelut. Brokis! Gua caw sia—hiiaatt!”—(Gusrak!) + (Jdak!)—“Aduh! Benjut aing… aduuhh.” + “Awas Bragalba!”—(Dor!)
“Nuuh, Mrangalma ngo’it! Nyangil maeh! Ngawat nih—mingat, Ngoog!”—(Pletak!)—“Anuh! Ngo’it ngaing!”—(Buzrak!)
“Ahihi… Truk, tumpaskandas eta Buta GPK.”
“Hehehe… culun sih!”

Buta-buta gelut
Kabeh pada maot

Ing madya wana Arjuna
Papendak sareng Prof Durna

DURNA: Nah, hahaha… kabeneran kapanggih, Jendral Juna.

ARJUNA: Lho! Prof Dur bade ka—?

DURNA: Gawat, Pak Jun! Kaula nilar Sokalima margi aya kudeta di Astina. Pres Dur digusur! Kurawa pada kabur!

ARJUNA: Saha anu migawena?

URNA: Ponggawa damelan—wadyabala biomacrobot sareng monsterobot ti Divisi… ah, naon teh namina? Pokokna eta sadaya dadamelan Universitas Bayupitu. Tulung, Jendral Juna—salametakeun almamater.

ARJUNA: Muhun! Pak Semar—hayu ka Astina.

SEMAR: Sumangga, Pak! Hayu, jang!

“Oke!” + “Yo’e!” + “Asoy!”

Kebat Arjuna sigra
Lumampah ka Astina

Geger Bayupitu
Geser Balakuru

ASTINA.— Arjuna ngadep Prof Dr Bima Tanayatatwa.

ARJUNA: Sampurasun, Prof Bima—tindakan eta kumawani pisan nunjangmalang kana kawicaksanaan Pandawa. Demi wangsa Pandawa, kaula menta pamarentahan Kurawa dipulihkeun.

BIMA: Hmh, OK! Asal Regime wong Kurawa ora ngerongrong hak otonomi Universitas Bayupitu. Kejabi kuwi, kowe goleki disik Jendral Bratasena sing diculik lan dicemplungke neng tengah laut karo Mariner Astina.

ARJUNA: Hah? Janten, Jendral Bratasena diculik Kurawa! Aduh, kumaha, Pak Semar?

SEMAR: Em-em-em, ahahaha… ulah kawatir, Jendral. Tan samar pamoring suksma anuksma, Prof Dr Bima Tanayatatwa eta Jendral Bratasena. Sareng Prof Bayu Kanetra eta teh Prof emiritus Kapiwara ti Universitas Kendalisada, alias Jendral Purnawirawan Anoman.

BIMA: Bener kowe, Mar!

Lan jiwajembar Semar
Maweh obor profesor

Semarang, 9 Nopember 2007 Ki Harsono Siswocarito

Nurkala Kalimantra Geger di Suralaya

2007-11-29T01:38:00.000-08:00

Kelirbeling tabir Gusti
Tabire ya wong ngawayang
Wayang manut maring dalang
Dalange murba ing wayang
Kelire layarmaya Gusti

MERCUKUNDA, SURALAYA.—Sang Hyang Pramesti Guru Jagatnata, ya Sang Hyang Otipati Pangawasa Jagat Triloka, linggih ing kursi Gading Gilang Kencana, dipunadhep dening para dewa, para batara, para sang hyang, para bidadara, para hapsara sadaya warga Sorgaloka.

JAGATNATA: Kakang Panji Narada, Kang—kunaon kahanan di Kahyangan jadi kiyeu kaayaanana? Kawah Candradimuka ngagolakgalak, magma hurungtutung, lindu urugmeledug, Gapura Selamatangkep pada bareulahbencah, Istana rusakporak. Prahara naon iyeu, Kang Panji?

NARADA: Aduh, Adi Guru—ampun sarebu ampun. Sedaya iyeu lantaran balamala raksasa ti nagari Tunggulwesi anu dipimpin ku Jendral Nurkala Kalimantra. Anjeuna menta tahta sorga. Kitu, Gusti Pramesti.

JAGATNATA: O jagat dewa batara! Dasar danawa teu boga tatakrama. Kunaon teu dicekal?

NARADA: Parantos, Adi Guru—Cingkarabala sareng Balaupata bisa ngabendung balamala raksasa ngangge nutup Gerbang Selamatangkep. Ayeuna wadyabalana aya di padang Repatkepanasan. Kaula nyuhun pituduh, Adi Guru.

JAGATNATA: Ulah diumbar balabuta nete ngagele Kahyangan. Suruh minggat! Usir! Yen perlu basmi!

NARADA: Sumangga, Gusti! Permiyos—Indra!

INDRA: Kaulanun!

NARADA: Atur sakabeh kakuatan tempur Suralaya demi ngabasmi balamala Nurkala Kalimantra.

INDRA: Sayagi!

“Para dewa sigra lumampah: Batara Brama, Batara Wisnu, Batara Surya, Batara Bayu, Batara Kamajaya, Batara Sambu, Batara Kuwera, Batara Yamadipati, Batara Aswan, Batara Aswin, Batara Bermana, Batara Bermani, Batara Bermana-kanda, Batara Citragada, Batara Citrasena, Batara Sambodana, Batara Rawiatmaja, Batara Karaba, Hyang Patuk, Hyang Tem-boro, Hyang Dewanggana, Hyang Dewasana, Hyang Dewang-kara, Hyang Sanggana, Hyang Pancadewa, Hyang Pancaweda, Hyang Dewatama,—”
“Inggih! Inggih! Inggih! Inggih!—”

Sigra para dewa basmi mala Triloka!
Wadyabala Buta-buta mala padha laga

REPATKEPANASAN.—Jendral Nurkala Kalimantra nunggu pinuh napsu amarah kagilagila sirik kapatipati, benci kagirigiri.

KALIMANTRA: Grrrk-cuah-huahaha… e, e, bojleng-bojleng iblis najis pada bengis! Mana si Jagatnata? Pasti nyamuni dina kelek widadari! Ajrih ka awak kaula! Huahaha… naha nu kitu patut jadi maharajadiraja para dewa? Hade turun tina tahta andika, Jagatnata! Serahkeun ka aing! Lamun henteu, Suralaya dijieun kiamat!

KALAMURKA: Tobat, Gusti—tingali! Gapura Selamatangkep dibuka. Para dewa nantang perang!

KALIMANTRA: Grrrk-cuah! Laknatkeparat! Serbu!

“Serbu! Serbu! Serbu! Serbuuu—”

Bala satru Buta maju
Garang sami nyerang

“Sia wani ka dewa?”
“Why not? Sia jago, aing jago! Sia lalaki, aing lalaki! Buktikeun: saha anu leuwih lalaki, saha anu leuwih jagoan!”
“Khhk-cuah! Buta edan!”—(Clap!)—“Ciiaatt!”—(Jder!) Adujotos bedas! (Bet!)—“Hih!”—(Dez! Dig! Bugh!)—“Hegkh!”—(Bruk!)
“Ayo montekar, Dewa!” + “D-du-uh… tob-ba-at….”
Dudupak galak! (Brak!)—“Aakkhh!”
Tan kocapa dewa pada mati suri.
“Brama kalah! Bayu mundur!”
“Para dewa mundur! Mundur!”
“Mundur! Mundur! Mundur!—”

NARADA: Cilaka! Para dewa kalah digdaya. Wisnu!

WISNU: Yes, Sir!

NARADA: Maju!

WISNU: Siap!

“Nurkala Kalimantra! Ladeni aku Batara Wisnu!”
“Saha? Wisnu? Ayo maju—mana
jago dewa? Grrrk-cuah! Lha naha malah molor? O tiarap! Nanaonan, Wisnu?”
“Ulah nanya mamala! Rasakeun rudal Cakra—mampus jiwamu!”—(Wuzz! Clap!)
(Krep!)—“Huahaha… rudal jiga kiyeu mah moal mantak teurak!”—(Pluk! Ccss!)
“Edan! Apes, Wisnu!”
“Aduuhh cilakaaa—”
“Lumpat!Lumpat!Lumpat!”

Dewa tawur ancurmumur
Pada kaburmabur.

NARADA: Aduh, Adi Guru—cilaka! Para dewa teu daya teu upaya; para hyang teu menang. Kumaha, Adi Guru?

JAGATNATA: Kakang Panji Narada sumangga andika lumampah ka mayapada demi milari jago dewata—lalaki langit lalanang jagat!

NARADA: Sayagi, Adi Guru!

Kala tumiba gara-gara:
Pertanda madiacarita

KARANG KABOLOTAN.—Desa luar kota. Dusun buhun. Dukuh jauh. Nyempil! Di tengah huma, dina sahiji tebing miring, na lelengkung gunung, aya saung injuk. Eta teh imahna Ki Semar Badranaya sakulawarga para panakawan Amarta. Teu aya polusi kota, hurup merdeka bagjabahagia. Panakawan pada bobodoran.

Lir ilir, lir ilir
Tandurna geus sumilir

“Anu, Dawala—kadieu! Bawa bedog jeung suluh.”
“Keur naon?"
“Nyieun api! Amih haneut: pasore-sore—pepedhut tarurun, yeuh. Eh, si Gareng mana?”
“Teuing! Neangan begu, meureun? Hawa siga kiyeu: loba kutu-jagong hama huma.”
“Ari, Bapa—ka mana?”
“Nungguan Agan Arjuna!”
“Di pucuk gunung?”
“Heu-euh, brrr… tiris euy!”
“Yeuh beuleum sampeu!”
“Ah, bosen! Hawana kiyeu: kangen bebene! Hehehe….”

Cinta dipujapuja
Rindu diburuburu

“Geulis, kabogoh kuring!”
“Walah!”

SEMAR: Kumaha, Gan?

ARJUNA: Parasut Tunggulnaga sareng rudal Ardadedali leres lagragna di iyeu gunung. Tingali, tugeuning! Untung teu bitu bareng pesawat tempur pangangkut Ardadedali anu ditembak lagrag ku musuh.

SEMAR: O, o, o.

ARJUNA: Hayu ka Indraprasta. Muga-muga kakang Yudistira geus manggihan deui pusaka nagara Kalimasada.

SEMAR: Mangga, Gan.—Jang, hayu ka kota!

“Nah!” + “Beres, Pa!”
“Buru, Dawala. Ka kota!”

Turun gunung Arjuna
Rambah belantararaya

Cekal Cakil
Si Butajail

MARGASOPANA.—Jendral Arjuna sareng Panakawan ngadhepi begal jalanan.

“E-eureun! S-stop! S-saha ngaran? A-arek ka m-mana? Ti m-mana? Lima rebu! Cepet!”
“Elho! Nodong?”
“Jotos, Reng!”
(Jduk!)—“Ghk!”
“Pragalba, Rambutgeni, Galiuk, Buta Terong—maju serbu!”
“Siap!” “Beres!” “Szip!” “O’eh!”—(Jlap! Jlap! Jlap!)—“Awas!”—(Klik!)—“Hiiaa!”—(Dreder-der...!)—“Modar sia!”
“Hehehe… Buta bego!”

Buta-buta samia sirnaperlaya
Lajeng Arjuna katemu Narada

NARADA: Eladah… bergenzong anak wong bakal diboyong! Kabeneran, Jun—kapanggih. Oge Kakang Semar, hahaha… kumaha kabarna?

SEMAR: Kabar kabur! Eh, Nar—naha dewa kuluyuran? Apa di kahyangan kurang pagawean, ya?

NARADA: Waduh, Kakang Semar—punten. Kahyangan geger! Suralaya digempur balamala Nurkala Kalimantra. Para dewa pada kalah, pada pasrah! Widadari pada susah! kaula diutus milari jago dewata di mayapada. Kitu, Kakang Semar.

SEMAR: O, o, o… saha tadi? Nurkala Kalimantra! Pantes! Anjeuna eta teh masih nunggal turunan sareng raksasaraja Kalimataya anu ngabedahbubrah Suralaya nanging tiyasa ditumpastampis ku maharesi nuklir Prof Manumayasa. Ayeuna teu aya jago dewata iwal ti Jendral Arjuna.

NARADA: Leres, Kakang Semar! Kumaha, Jun?

ARJUNA: Sayagi!

Kebat Arjuna gempur malasatru
Laralena. Maot! Datan kumejot!

REPATKEPANASAN.—Rudal Ardadedali nembak telak Nurkala Kalimantra. Ngabeledug bitu nyapu pageblug!

“Kalimantra mati!”
“Hidup Arjuna!”

Kalimantra sirnaperlaya
Kalimasada jayawaluya

Semarang, 2 November 2007 Ki Harsono Siswocarito

Gitadarma Dr Mintaraga

2007-11-29T01:37:00.000-08:00

Kembang sungsang cahya kunang
Kadia lintang gilang gumilang
Tembang hyang pangreka dalang
Dadia piwulang wong ngawayang

MERCUKUNDA, SURALAYA.—Maharaja Tribuwana Sang Hyang Otipati Pramesti Guru Jagatgirinata ya Sang Hyang Manikmaya maharaja diraja jagat pramudita calik dina singgasana Dampar Kencana lemek babut permadani sutra rerenda permata tinaretesing sosoca dipunadep dening para dewa pemuka triloka samiya pada jajar denira pinara.

GIRINATA: Kakang Panji Kanekaputra, kunaon mamala triloka teu acan reda? Malah tambah musibah. Batara pada susah, batari pada sedih; lara hapsara parah, nyeri hapsari peurih. Iyeu mesti dipandegani, Kang Narada.

NARADA: Eladalah, Adi Guru—gawat kaliwat beurat! Mega beureum serem, Candradimuka ngagolak teu kalem, para dewa teu tentrem, Tribuwana siga kabeuleum lantaran balabuta utusan Jendral Niwatakawaca ditolak ngalamar Supraba. Maranehna teu sudi balik ka nagari Manimantaka upami teu tiyasa ngaboyong sang dewi. Naha kitu, Indra?

INDRA: Leres! Supraba nampik pangaasih nolak cintana Niwatakawaca. Kawula sorangan teu sudi boga minantu danawa. Khhkcuh! Mana bisa Buta mitohana Dewa? Doraka!

GIRINATA: O jagat dewa batara! Dasar balabuta teu ngeenal tatakrama. Kurangajar. Lamun teu bisa diajar, hajar! Lamun teu daek mundur, gempur! Lamun malah maksa, siksa! Usir bala danawa ti Suralaya.

NARADA: Sae, Gusti!—Bayu! Siapkeun tentara triloka. Basmi balabuta Niwatakawaca!

BAYU: Sayagi!

“Batara Brama, Batara Surya, Batara Wisnu, Batara Bayu, Batara Sambu, Batara Kamajaya, Batara Yamadipati, Batara Kuwera, Batara Karaba, Batara Bermana, Batara Bermani, Batara Aswan, Batara Aswin, Batara Citragada, Batara Citrasena, Batara Sambodana, Batara Rawiatmaja, Batara Bermanakanda, Hyang Dewatama, Hyang Dewanggana, Hyang Dewasana, Hyang Dewangkara, Hyang Pancadewa, Hyang Pancaweda, Hyang Patuk, Hyang Temboro,—siap gerak!”
“Inggih! Inggih! Inggih!—”

Bala Tribuwana
Pada siapsiaga
Bala buta
Pada laga

GERBANG SELAMATANGKEP.—Balabuta siaga adulaga demi maksa para dewa nyerahkeun Supraba. Tatalaga Jendral Krudaksa, Panglima Manimantaka, katon megadigdaya. Di belah kenca aya Kolonel Duskerta; di belah katuhu, Kapten Wirakta; sareng di tukang, Letnan Kalawaktra.

KRUDAKSA: Krrkzuh! Dewa-dewa! Nolak cinta Gusti Niwatakawaca hartina menta mamala. Lamun Supraba teu diserahkeun, Kahyangan Solendrabawana bakal kiamat! Malah Suralaya bakal rusakporak, leburmumur, sirna-binasa. Krrkzuh!

DUSKERTA: Bener! Ulah sok dewa! Buta bisa boga bini bidadari. Keur ngahadean katurunan! Sanajan buta tengik, bini cantik; sanajan Buta bau, bini ayu; sanajan Buta, bini Supraba. Pan asik! Hehehe….

WIRAKTA: Enya! Supraba emang moy. Dasar bidadari—geulis tanpa tanding, endahna kabina-bina tanpa cela! Oh, Supradin, eh, Suprana, haah! Salah mulu—Supra naon?

KALAWAKTRA: Walakadalah, Gusti! Tempo ituh! Gapura dibuka! Para dewa angkat senjata!

KRUDAKSA: Keparat! Serbu!

“Serbu! Serbu! Serbu!—”

Serbu buta
Satru dewa
Garangtandang!
Tunjangmalang!

“Ayo maju, Dewa!” + “Wani ka Brama?” + “Brama? O, iyeu jago Deksinapati: Dewa
api kok kakubeku? Ayo maju! Heaah!”—(Clap!) Serbutinju (Bugh!) sepakporak
(Blak!)—“Rasakeun dewa—heaah!”—(Blar!) tamparmemar! “Tobaatt!”

Tatu teu kaitung!
Lara teu kabilang!

“Mana jago dewa?” + “Bayu: ayo maju!” + Adutinju (Jduk!) sepakgalak
(Jdak!)—‘Hgkh! Hoekh ooo hfuh! Buta edan! Ngabongohan! Aduh… ooo!
Tobaat!”—(Bruk!) + “Cilaka, Surya!” + “Wisnu, mundur!”

Dewa tempur
Pada mundur

NARADA: Cilaka, Adi Guru! Balabuta gagahmegadigdaya mahasakti mandraguna! Para dewa teu daya upaya. Kumaha iyeu?

GIRINATA: Tenang, Kang Panji! Indra, geura teang jago dewata. Jig geura ka Indrakila—panggihan Prof Mintaraga.

INDRA: Sae, Gusti!

Batara Indra
Ka Indrakila
Pada madiacarita
Mangsa gara-gara

KARANG KADEMPEL.—Kampung di pereng gunung papayung layung. Hawana karasa bagja! Kubah gunung Indrakila katon endahmewahmegah! Lamat-lamat kidung ngalayung di luhur saung. Panakawan nuju sempal kapiguyon.

Gandasari buah ati
Pujaan urang sadaya
Buku pinuh kupapaes
Alus jadi patamanan

“Heuheu… Asmarandana Sunda! Ngeunaheun euy. Ehm, nunggu bos nuju konsentrasi, kontemplasi, en meditasi—kiyeu yeuh geuningan: aneh! Eh, kamari digoda widadari Suralaya, malah cuek wae! Widadari lentik teu dilirik! Malah dewek anu manatahan. Heuheu….”
“Kitu tuh, Kang Cepot—prihatin: taparekacipta demi manggayuh karaharjaning praja mamayuayuning bawana.”
“Eh, Reng—aya naon?”
“Gawat! Begu di Lab!”
“Hah? Hayu urang tempo!”

MINTARAGA: Kaula anu nembak!

PADYA: Kaula, panembakna!

SEMAR: Menggeus, Indra!

INDRA: Hahaha… punten, Uwa Semar—kawula nyamar sareng ngagoda Mintaraga demi Suralaya. Anjeuna dipenta jadi jago dewata kangge numpastuntas balabuta
Niwatakawaca. Kumaha, Prof?

MINTARAGA: Sayagi. Nanging kawula menta disarengan Jeng Supraba..

INDRA: Sae.

Mintaraga sigra
Midamel darma
Garang tandang
Perang kembang

RIMBAMALA.—Mintaraga aduyuda sareng bala Manimantaka.

“E-eureun! S-saha s-sia?”
“Dawala, sikat yu!”
“Soklah!”—(Duk! Bugh!) Ambruktakluk (Blug! Gludug!)—“Yeuh rasakeun! Hih!”—(Jplak! Gdubrak!)—“Aaawww!”
“Bah! Keparat! Kaladurga, Kaladurjana, Kaladuraksa, Kala-durmala, Kalastuwila, Kaladaksa, Kaladarba, Kalagarba, Kala-duskerta, Kaladusta, Kaladursila—majuserbu!”
“Reng, embat granat!” + “Okelah!”—(Plas!)
(BLAARR!)

Balabuta
Fanalaga
Henteu lila
Supraba pinara

SUPRABA: Helo, Prof! Kunaon si abdi kudu milu? Abdi risi ka eta Buta. Hiiyy… jijay!

MINTARAGA: Emansipasi! Iyeu teh sengketa cinta anu jadi konflik politik multipelik. Wanoja cantik, asal cerdik, bisa jadi aset politik. Coba talungtik! Make dalih ditolak cinta, Niwatakawaca bade ngalabrag Suralaya. Resistensi libido jadi agresi destrudo. Bahaya! Eta kedah ditembaktelak! Nah, amih ngabuka rahasia, anjeun rayu—puji sampe resehate, goda sampe lena purwa daksina, ogo sampe keokmabok!

SUPRABA: OK.

Sigra kaduanana
Ka Manimantaka
Gita asmara buta
Ala Niwatakawaca

MANIMANTAKA.—Sigra wara kocapa mukamurka Jendral Niwatakawaca dadia mahasuka kala Supraba denira pinara.

NIWATAKAWACA: Hait, Supraba! Huahahaha… akhirna anjeun datang, oh… Supraba, widadari campereniklentiksimpatik, gadis manisromantis, dara eloksemokmontok, perawan rupawan-nanmenawan, wanoja jelitamahajuita, oh… Supraba, dilirik asik, dipandang senang, ditatap sedap, oh… Supraba, ti mimiti abdi kataji kapati-pati, ti baheula kawula mikacinta, oh… Supraba, coba kawula kurang naonana? Maharaja, kayaraya, oh… Supraba, kawula emang hmh! Anjeun nyaho eta tea? Huahahaha….

SUPRABA: So pasti, Oom! Wow! Manimantaka indahmewah mahamegah serba raksasa! Nyesel abdi teu ti bareto daek sareng Oom. Huuh, papi sih, neko-neko! Punten nya, Oom? Bener yeuh abdi mikacinta Oom. Sanaos Buta, Oom raja, kaya, perkasa….

NIWATAKAWACA: Huahahaha… bener, oh… Supraba, saha wae teuaya anu bisa nandingan kawula! Anu tangguhplusampuh, kawula anu hebatmahakuat, gagahmegadigdaya, oh… Supraba, lantaran pinter ngahasiakeun pangapesan—

SUPRABA: Pangapesan naon?

NIWATAKAWACA: Letah!

Rahasia kaungkap
Pasopati nancap
Niwatakawaca
Sirnaperlaya

Pinetik kembang sinebaran
Tutup lawang sigotaka

Semarang 5 Nopember 2007. Ki Harsono Siswocarito.